又係時候介紹下太陽哥哥畫比我的生日咭既製作過程啦，咁耐先記低，係因為我最近先拎到佢ｄ手稿黎影相；今年佢咪送左大細兩張生日咭比我既，等我先介紹大生日咭先啦，呢張係一月時係北海道旅行佢同我預祝生日時送既！
電腦稿：
一張咁靚咁豐富既咭，其實每件物件都要諗過度過設計過架，睇太陽哥哥ｄ手稿就知！佢先設計個生日蛋糕上面放ｄ咩，然後逐樣逐樣咁畫，蠟燭啦、雪山啦、日本旗啦、cream啦、提子啦、菠蘿啦、牌啦．．．有ｄ畫左又未必要架，好似車厘子同檸檬？！最後仲有我同囝囝codebar，呢兩樣係我最鍾意架！
咁多野拼湊一齊，再逐樣上色，就變成以下真稿啦！
沒有留言:
張貼留言