今日係婚姻信望愛最後一堂課堂啦，今日講愛情與考驗；可能講者好想比好多訊息我地，所以講左好多好多好多．．．變左present時有欠生動，所以今堂都幾悶，最好都係上一堂的第二課。
今日反而少了一頁note，等於平時的一半呢，但就多左好多notes冇的slides！
尾部講多左教會及信仰．．．
三堂課堂完成晒啦，太陽哥哥話學到既比佢預期低，因為講的道理／理論其實人人都已知，只係做唔做啫；我都認同，不過就同佢強調返，呢個只係令我地學下男女有咩分別＋兩性溝通的課堂，唔係婚姻輔導，所以唔係針對性。我都覺得花左好多時間講理論／道理，的確係人人都懂，只係兩個人一齊耐左，一定會比熱戀時唔同，呢個係感情不變的定律；咁我就當呢幾堂課係一個提醒及自我反省，希望令自己做返一ｄ忽略左既行為。
不過令我最開心同意外，唔係學到幾多，而係太陽哥哥的出席；佢黎晒三堂不特止，仲一分鐘都冇遲過，今日仲早過我就到添，呢樣係我好意外同感恩既，亦係反而令我最開心既！所以上完堂食飯時，我特別多謝佢架，我知佢咁有心，真係付出左好多；我知佢上呢ｄ堂好悶好難頂，但都堅持撐過晒，係我心目中已經高過預期好多好多！我真心多謝佢時，佢反而同我講，呢樣野係佢應該做既
．．．真係令我好感動！我開頭仲擔心，佢會唔會唔放係心架，求其黎一次就算呢？我要唔要提佢呢？死啦，第一堂我都覺得悶，之後個ｄ堂佢會唔會搵借口唔去呢？好多如果．．．但學識交託、盼望、相信，我第二堂開始完全冇提佢／催佢，直至今日最後一堂，佢全部自動波；呢樣亦係我呢個月的得著，凡事放心放鬆，效果更會出人意表！
沒有留言:
張貼留言