今日陪太陽爸媽參加了佢地朋友攪的蒲台島團，太陽哥哥要努力賺錢，我就幫佢陪下太陽爸媽，做個好心抱＋好老婆啦！
八點半係西灣河集合，六點九我就要起身啦！原來我係第一次黎西灣河地鐵站，係我好鍾意的黃色，即刻覺得呢個站特別靚呢！
上到去諗住去Ｍ記買包，點知太陽媽媽朋友係太興食緊早餐，我地就衝埋入去食；落單時同侍應講要快，點知張單上面真係有『快Ｄ』兩個字，真係超攪笑呀！
跟住原來成棚人一齊搭14號巴士入赤柱，我仲以為有旅遊巴坐添．．．其實早ｄ知道係咁，我地會perfer自己入赤柱呢！
晨早的赤柱冇咩人架，好舒服好正！
卜公碼頭上船：
半個鍾就到啦～～
蒲台島好細架咋，但都有六個景點。
呢度ｄ水好靚，最重要係清到爆，好想跳落去游下水呢！
叻仔Ｂ呢個名好攪笑！
蒲台島都有特產，包括海帶、海草、紫菜、昆布等。
牆上寫既人生道理亦好值得看！
上山啦，但今日好熱同好曬，亦冇咩風．．．呢ｄ充滿樹林既路段，仲超級勁多蚊，就算您fing手fing腳ｄ蚊都唔走架，係咁黐住您ｄ手腳，咬到我呢．．．
香蕉樹＋芒果樹：
穿過樹林後，嘩～～藍天碧海，真係好靚好靚！
太陽爸爸今日仲帶左佢既古董 - 菲林長鏡機，超型！
景點之一 - 棺材石：
近ｄ就清楚啦，真係好似一幅移開左少少蓋的棺材！
我地冇上到頂呀，太辛苦了；最後落回山，去返碼頭附近休息；呢度真係好古代，係度住既人會斬柴呢！
晒昆布+ing：
我地係度休息，欣賞下景色，真係好靚呀！
我亦係度影下我的戰績，全身手腳最少被蚊叮了三十粒！
雙手面：
雙手底：
雙腳面：
雙腳底：
跟住行向島的另一邊沙灘，去酒樓食海鮮餐！
呢度好多鬼佬遊客呀～～
我們的海鮮餐：
飯後繼續向前行，向天后古廟進發，途中見到好得意向下生的黃色花，仲有會開花的仙人掌！
團友們影跳跳相，我在旁偷影；呢個情景令我諗起平時我同太陽哥哥／細妹，可惜呢刻只得我自己，唔係我地都會跳埋一份！
係船上勁訓，回程返到赤柱已經三點半啦！我地係度影下相，我又帶太陽媽媽去我平時買BB衫的鋪頭。
今日收穫，兩件初生男仔比Kammy月尾出世的囝囝，兩件6-9月女仔比Raymond的囡囡；當中有兩件翻買，因為我實在太喜歡！嘻嘻～～
跟住帶太陽爸媽搭小巴返銅鑼灣，會合太陽哥哥放工！太陽哥哥話要我陪佢爸媽，辛苦我了！我其實好開心呢，只要大家開心我就開心，何況只要係投入同有心做好一件事，真正享受當中的樂趣，唔辛苦架！太陽爸媽好少黎銅鑼灣，我地帶佢地食好野，去左『海南少爺』，今次仲有得坐窗口位添，望住個好靚既view食晚飯！
今日仲試左兩款新野，每日限賣15份的黑松露豆腐：
海鮮釀酒條：
呢餐好好味呀，多了人又可叫多幾樣餸，滿足到我試新野既慾望！嘻嘻～～
走時仲去左agnes b度換左個蛋糕～～
返到屋企沖完涼照鏡，大鑊～～曬傷晒呀！個身仲出左好多一點點紅點，有點恐怖，但又唔痕唔痛喎．．．
今日雖然比起平時的放假日辛苦少少，但我過得絕對開心；只係怕曬黑白唔返呀，希望快ｄ冇事啦！
沒有留言:
張貼留言