睡房冷氣漏水呀！
早兩個星期weekend訓醒熄冷氣，隻手碰到吊住係窗簾繩的公仔．．．嘩～滴水既？！摸下張床褥，入面個角位係全濕架！
太陽哥哥又唔係度，唯有我自己一個人托起成張床褥，跟住仲要倒轉方向，對正個抽濕機抽返乾；我唔係住大屋，移位時又要就位又要就盞天花燈，張床褥又咁大咁重，我覺得自己可以搬到咁，真係好勁架啦！
太陽哥哥之後發現係冷氣機前面滴水，呢個位滴水真係第一次見！不過佢好快就諗到計點唔滴濕張床啦，就係．．．買個漏斗，然後駁條水喉，好似下面張相咁，咁就可頂住先；雖然咁樣有ｄ攪笑，但都不失為一個絕對聰明既辦法，起碼我又可繼續開冷氣，又唔洗煩住；因為我真係好唔想換冷氣機呀，實整到張床同出面騎樓洗衣機＋雪櫃既，肯定抹到抽筋！
沒有留言:
張貼留言