今日係婚姻信望愛課堂的第一課，好感恩，太陽哥哥超準時收工，七點二已經到左旺角，我真係好好好開心架，估唔到佢咁認真呢；不過我絕對肯定大部份係為左我，所以我其實好感動同感謝佢架！
第一堂講『信任與溝通』，可能講者始終媽媽型，present時都好平鋪直述，一ｄ風趣幽默感都欠缺；老實講，頭半堂真係超悶．．．我知太陽哥哥頂得好辛苦，真係算係咁！後半堂開始有故事聽，又有問題做＋兩公婆討論時間，感覺好了點！
今堂學既野，太陽哥哥話其實都係一ｄ基本野，知易行難；我認同其實好多野我地都知，只係係生活磨蝕下，會忘記／懶去做；邊個唔知點氹人對方會開心同感受到您好愛佢呢？其實個個都知點做，只係唔多做啫，因為當人適應左日覆日的生活時，對身邊最親的人反而最忽略，覺得佢最包容您。雖然學的係已知的基本東西，但我都有認真做功課，希望提點自己多ｄ啦；黎得學野，個心梗係想唔同／進步，坐係度唔action只會結果一樣，所以心態要調節，唔係上黎做咩呢？努力～～
呢個問卷功課真係製造左一個空間比我同太陽哥哥傾一ｄ平時唔會講到既野，我地平時的話題都係維繞生活上既，好少係呢ｄ方向既；我又覺得幾好，可以藉此了解對方及他的想法，我都建議couple們可自設問題黎討論，不錯的。
這星期的功課，我地承諾左認真做架！
沒有留言:
張貼留言