今日上婚姻信望愛課堂的第二課啦，我已經唔再緊張或擔心太陽哥哥要唔要OT，準唔準時收到工呢？全日一個電話都冇打比佢，一來我自己都好忙，二來真係學識交託，咩都交比個天啦，咁就算咩結果，都能輕鬆點面對；不過個天對我又唔錯，太陽哥哥好準時咁黎到，連續兩堂都能準時一齊去上堂，真係有點奇蹟，感恩呢！
老實說，上一堂的講者真係有點悶，今日的講者就好好多，presentation skills令我都聽得幾入神；加上今堂加插好幾個位比兩公婆討論，有又問下大家結左婚幾耐等等，有interaction麻；見到有ｄ結左婚十幾廿年都黎上堂，真係恩愛得黎又求進步，好值得欣賞！
這『滋潤錦囊』很好呢！
細佬其實送過一本書係講 5 love languages比我架，不過都好難分自己／太陽哥哥係邊種呢！不過我地要互估對方次序，大家都排岩對方三個，只係有兩個調轉左啫！
揀三個最期望的，我地互相都估中對方兩個，都好了解丫！哈哈～～
沒有留言:
張貼留言