2010-12-30 (Thu) 新教學大樓有名啦．Farewell lunch@龍門客棧

 

新教學大樓有名啦，唔洗再齋叫澤祥街教學大樓；原本白雪雪的外牆，宜家有返個名啦！

剛適應了返新教學大樓的我，其實亦非常喜歡係正火車站隔離返工放工的感覺，超方便呀，由離開辦公室到上火車，最快試過係三分鐘之內！可惜丫．．．我做到一月中就要離開啦，真係好唔捨得．．．聖誕前覺得仲有好耐，過埋聖誕開始好唔捨得，更加知道過埋新年呢幾日假期，距離我離開的日子會變得更短！話晒係呢個office渡過左多個寒暑，實在有著太多的感情．．．

今日食第二餐 farewell lunch，第一餐 farewell lunch 係跟 May 兩個人去馬鞍山食泰國菜，無影相超後悔．．．今日揀左去龍門客棧，因為知上返山做野後，無咩機會再去咁遠啦；今日亦係2010年最後一日工作日，同到Yammy & Jimmy-san食飯，亦幾有意思丫！

離開餐廳先記得未同 Jimmy-san 影相，搭lift去停車場時都要補返！