細妹朋友 Emily 介紹下，打算去試下坊間 facial，我咁大個女都未去過美容院做 facial 架，但年紀大啦，好想搵間又經濟又做得好的 keep下！
因為兩點半先做 facial，我地十一點幾就先去 Emily 屋企玩，亦即細妹契仔屋企；點知一去到 Emily 已經煮緊 lunch 比我地食，仲係有魚有蝦的 lunch，其實似晚飯多ｄ呀，厲害厲害！
呢個就係軒軒～～我覺得佢係細路身體，但有個大人樣呀！
早前 Emily 的 Artjamming 作品：
軒軒同爸爸成個餅印，似到有點得人驚！
轉眼間，五餸一湯已經預備好，快過變魔術，好神奇呀！
細妹同軒軒好 friend 架！
不過憑住我一顆熱誠既心，短短半個鐘期間，軒軒由原本只望住我，掂下佢都縮開兼唔笑，好快就變到同我勁 friend 底啦！
軒軒係咁家姐家姐咁叫我，好攪笑！佢見我出左房，會出黎拖我隻手，帶返我入房玩，我頓時有種輕飄飄好自滿的感覺！
我仲設計左一個新遊戲比軒軒玩，就係拋圈圈去跳跳鹿對角／尾度，仲設置禮物區(相片的左下角)，拋中可揀禮物；可能對軒軒好新奇啦，我地都玩到好開心，仲不停尖叫 & 揀禮物添！
細妹好驚 Emily 屋企的兩隻貓，臨走時我地整古佢！
跟住同細妹去左做 facial，感覺老闆娘好有心機，所以都 join 左五次的 package！
因為針清左ｄ粒粒，做完出左好多紅印！
有粒勁瘡因為濃頭係好入，加上積左ｄ瘀血要放血，攪到要等結焦好返，睇黎都要樣衰幾日！
夜晚同太陽哥哥去味千食晚飯：
沒有留言:
張貼留言