今日放假一天，約左表姐去摘士多啤梨；跟返工一樣，同媽咪搭最後一班車去大圍，先去探下小日朗，佢出牙仔啦！
諾諾整的聖誕樹及恩恩寄來的聖誕咭：
本來表姐冇諗住帶小日朗去架，後尾姑媽話咁多人睇住，帶埋啦，就即刻幫佢換套型衫仔一齊出發！
去到粉嶺流水響的士多啤朵自摘園，今日係我第一次摘士多啤梨咋！
先去拎『架餐』 - 較剪＋紙箱：
表姐負責影下相同睇住小日朗，我同諾諾一齊摘，媽咪同姑媽再分頭行事！
落田開工啦～～
嘩～～好多新鮮的士多啤梨呀！
其實冇上年表姐摘個ｄ咁大粒啦，我地唯有揀ｄ最好又較為大的士多啤梨！
我一邊幫諾諾影相，一邊搵ｄ靚士多啤梨叫佢剪，佢每次一剪完就會好開心咁show比我地睇！
摘完啦～～
呢個場的士多啤梨 $50 磅，我地最後摘左三磅，成為 $150，都幾貴呢！
雖然貴ｄ，但老闆比我地任食佢ｄ車厘茄！
跟住我地去左大尾篤食 Lunch，去左我同同事去左幾次的 Luca！
係度食左個又豐富又抵食的 lunch，加埋咁舒適的環境，係度抖足精神叉充電！
Set lunch的意粉原來辣架，諾諾食唔到，侍應哥哥即刻叫廚房炒左碟新鮮熱辣辣的蕃茄意粉比諾諾，仲係免費架！
小日朗都要叉電！
叉完電，我地再戰下一個場！其實係今朝係流水響埋單時，個士多啤梨園老闆話佢親戚係大尾篤都有一個士多啤梨園，咁岩我地準備去大尾篤食 lunch，食完咪諗住過黎望下，如果掂既下次可黎呢度麻！
點知只係參觀下，未落田只係遠觀咋，已經見到好多紅色一點點喇，呢個場ｄ士多啤梨，好明顯多過今朝個場好多呀！
Zoom近ｄ：
問埋幾錢，$100三磅，嘩，今朝要$50一磅，抵咁多，唔洗諗，即刻又決定摘多次！
表姐原來影左我點照顧諾諾，我抱住諾諾一行田過一行田，淨係下面幾張連環相已過左三行田，真係少ｄ臂力都唔得，今日真係做足運動！
同諾諾一齊望下邊度有多ｄ士多啤梨～～睇黎今日我都係一個幾稱職的 baby sister丫！
收獲豐富，又摘多三磅！
摘到差唔多黃昏，大家今日都好滿足！
士多啤梨園旁有個菜場，路人話ｄ菜好正喎；我地又去八下．．．
最後買左個 $40 的魚翅瓜！
小日朗係車度等我地買瓜，唔知係咪今日有得出街，我覺得佢今日特別開心，成日對住我笑既！
沒有留言:
張貼留言