尋晚返完PT，返到屋企本應開開心心咁迎接幾日聖誕假期，點知一沖完涼，突然見暈兼四肢無力，要即刻上床訓覺；到今朝九點，焗住起身陪媽咪食早餐兼送機，但去到餐廳都食唔到野，只係陪媽咪同威哥食，我全程無厘精神兼中眼訓，仍然四肢無力．．．媽咪叫我即刻返去訓，最後交由威哥送媽咪搭車去機場，本應同諾諾去玩都要打比表姐話取消！
跟住訓訓訓，係中間接左幾個電話，攪到打斷左我的美夢．．．．訓到大約五點，太陽哥哥放工返黎睇我．．．訓左成日，跟住就冇事啦，不過仍然無胃口食野！之後去太陽家食飯兼過夜，因為太陽哥哥明早係大圍交車；太陽媽媽知我病，大伙兒就我食粥，好溫暖呀！
事後研究點解會突然唔舒服，我懷疑係尋晚返PT叫的外賣．．．
Elsa食的魚生飯，但佢無唔舒服！
我的咖哩豚肉烏冬，有機會佢係罪魁禍首．．．
今日無咩寫，不如講下．．．
限定版麥嘜紙巾之前未提及過，係我送出的聖誕禮物黎既！
我收到的聖誕禮物：
呢兩盒唔係聖誕禮物，只係同事Michele請我飲；我唔飲奶，所以揀左咖啡，一睇個到期日．．．我生日呀！跟住 Michele 睇埋牛奶個盒的到期日，一睇，我大叫．．．我媽咪生日呀！
太陽哥哥帶回家的聖誕禮物：
沒有留言:
張貼留言