今日放工即標去旺中實惠旅行社，我地一早係第二間book左機票，但見到實惠有個package連埋間靚酒店好抵，尋日咪上去問囉，但佢地話我地個出發時間冇機位啦；我覺得奇架，今朝咪打去問原本幫我地book左機票個agent，問下ｄ機位係咪好爆，點知佢話唔係呀，仲有位．．．我咪再打去實惠問，佢又話：係呀，有位啦，今朝返左ｄ位喎．．．但又唔可電話留位，要我親身去到．．．
我全日都好擔心同緊張架啦，到放工即刻標去，點知．．．機票有位，但間靚酒店冇位．．．妖！玩左我兩日！佢仲話成個九月成張 list 既 package 酒店 full 晒，剩返一間揀，好旺喎！係咪呀？鬼咩，張 list 每間酒店可能只得兩三間呢個價錢，冇晒喇，就叫您加錢upgrade另一個class就有喎！搵我笨咩！厄人！真係連單張都唔可靠！
真係好唔開心．．．之後過左尖沙咀K11，舊同事攪娶會搵埋我！我都係第一次黎 K11，我地去左『銀座梅林』，都係第一次黎食啦！
淨睇門口出面已好隱蔽，入面私隱度亦高，令每檯客人都能靜靜享用晚飯及跟朋友們相聚！
呢位無論食物款式、食法同格局，都比我感覺好似世貿的『丼吉日本吉列專門店』，但呢度唔洗訂幾個月喎，方便好多喎！
每人一杯SAPPORO啤酒係送架！
同佢地好耐冇見啦，等食物其間狂影相～～
全晚唯一合照，但侍應哥哥影得麻麻地，我再幫佢地三個影多張！
我地叫左兩個小食：
日本蕃茄沙律 [$48]、蟹味僧凍豆腐 [$48]。
三個梅林定食：吉列黑豚豬扒定食 [$158]、吉列帶子定食 [$168]、咖哩吉列蝦飯 [$128]。
吉列豬扒係呢度既招牌菜，層次分明的吉列黑豚真係勁好食！
今晚餐飯真係食得好開心，佢地個個都各有強項，好似手作呀車野呀影相呀，真係好叻呀，我覺得自己好水皮呢！九點半太陽哥哥黎接我就走啦，佢地繼續到十點半，最後一張檯先走！哈哈～～
沒有留言:
張貼留言