今日同太陽哥哥去行旅行社，想睇下有冇比手頭更平既機票同package，點知冇收穫，原來宜家攞到既價已經係最抵架啦！日元冇跌反升，最抵都覺得好肉赤，其實呢個時候係咪唔應該去沖繩呢？但花左咁多時間做research，唔去又唔甘心喎．．．唉．．．點好呢？
雖然旅行社冇收穫，不過都不減我地既興致，因為前排好熱都懶得出街，難得今日唔洗出汗咁周圍行街，真開心！晚飯去左北海道活壽司，我一向鐘意呢度多過板前，因為多熟食野食，岩我多ｄ！
今日大家心情都勁靚，所以做左好多低能野！
第一次食生蠔壽司，開頭都怕冇自助餐的檸檬同辣汁會腥，點知．．．正！
鍾意黎呢度亦因有牛舌，叫左三客．．．勁好味！
飯後去左吉之島十蚊店入貨，睇我買左幾多日用品．．．超級師奶！
太陽哥哥今晚開心囉，睇左幾次既背囊，終於扑鎚買啦！不過可能我out啦，唔知呢個係咩牌子，呢個唔係好特別既背囊都要五百幾蚊．．．亦因為咁太陽哥哥先左諗右諗幾次先決定買唔買；不過，隻色我都幾鍾意既！
書展收穫～～我冇去呀，不過太陽哥哥託人買比我既！
沒有留言:
張貼留言