四年前世界盃睇過德國VS阿根廷，當時係有線睇既，個晚玩得好開心，仲上台玩遊戲贏左部panasonic相機，好hyper的一晚！咁就四年，時間過得真快～～今屈八強德國＋阿根廷再次重遇；可能係情意結啦，所以知道佢地會對賽時，已經好想睇呢場波！
星期四晚，同休商量今晚一齊去睇，send左sms比班朋友，好快已confirm了六個人；人齊了，地點問題攪左好耐；星期四凌晨打去問CoCo Duck，full 晒兼$180位，太貴了！
星期五尋日，打了問銀龍，冇得book，半個鍾頭前入座；後得Alex建議，一係青衣城消費每一百就有一個位，一係去長沙灣一帶的翠河茶餐廳s．．．首選青衣城，好似坐得舒服ｄ同埋有大電視，諗定晒點消費，漢仲好好咁話會買件四百蚊的球衣，只要食野食多二百就夠了，唔難丫！點知到夜晚，佢地本身都係青衣城睇波，仲睇過幾場了，可能進入八強，係勁多人，坐唔到看台，要用座墊坐地下．．．唯有放棄呢個選擇！
今日一早，因1083 check唔到登記，就問健有冇翠河資料，健好好人咁落街去搵，行足成條街，應該冇問題，只要七點半去到；沒問題啦，反正要食飯，我就打埋card games，如果等開波悶時可玩；下午出門口，過銅鑼灣做facial．．．休早左放工，就一齊搭地鐵去長沙灣，仲七點就到，漢亦話非洲同賓都來，宜家變了八個人，掂！去到健話原來佢會所仲有位睇波，但要$100位，包一杯飲品＋薯條，建議先去會所望下個環境；去到感覺很好，似酒吧的格局，但冇酒吧的品流複雜，又有大電視，一定舒服過茶餐廳！不過，都問問朋友意見先，非洲話唔係差太遠，邊度都冇所謂喎，因時間有限，咁休同健即刻去比錢先．．．點知我另一邊繼續打比漢同賓，佢地話貴，又話冇氣氛，唔來了，而非洲因佢地唔來，又改口風話唔來！但已剛比好錢．．．
我呢下真係好唔開心呀，如果係錢問題，點解唔講清楚係茶餐廳先來呢？甚麼邊度都冇所謂呢？！係的話，咪一齊去茶餐廳囉，我享受一班朋友一齊睇波呢，真係想茶餐廳，我都會去呀！可能我太一廂情願覺得比多幾十蚊換個舒適地方＋大電視，唔洗係茶餐廳頭昂昂係好，只係估唔到朋友們一點都冇欣賞過．．．已經唔洗佢地打去check呢度個度問邊度有位，已經唔洗佢地早ｄ黎霸位，佢地只係黎到就有位坐低睇波，都咁多要求，好失望．．．
雖然係咁，都好感謝有落力的朋友在，好似健大熱天時落街幫我check晒成條街，CW都有朋友係Neway攪，休屋企有得睇波都比錢出黎同我地一齊睇，漢雖然冇黎但好熱心咁買波衫諗住幫我地減輕消費．．．
健的星匯居：
第一次黎到『蔬菜統營處』：
落好訂後已經七點幾，先去醫肚；去左附近的幸福村商場食個簡單但幾好味的小菜晚飯，六個人叫左五個餐：
睇波陣容由原先八個人變了三對情侶(不過健老婆只食飯不睇波既!!)：
睇波場地有好多國旗作佈置，很有酒吧格局！
隔離仲有另一個場，兩個場坐到二百人，氣氛唔會點差得去邊吧！
大電視＋坐得舒服，我地食完飯返黎等開波，見有時間就玩card game！
呢場波超好睇，阿根廷竟然一口不入，意外！反而德國入四球，另一意外！好開心so far極度想睇的兩場波(英格蘭 vs 德國＋阿根廷 vs 德國)都咁好睇，兩場都有四球以上，最怕睇踢足全場都零入球既賽事，呢兩場全冇悶場，super good！
沒有留言:
張貼留言