今晚諗住唔出街架，諗住養精蓄銳睇世界盃冠軍賽；點知下晏太陽哥哥打黎話好精神，想放工去睇戲！因為威哥呢幾日去左camp，我地食飯就同埋媽咪一齊去左赤丸！
媽咪話想試下波子汽水～～
叫左四個小食，角切燒豚肉好好味！
影左張攪笑相～～
太陽哥哥的海鮮豬骨湯烏冬：
我的赤丸拉麵：
媽咪的叉燒餃子辣豬骨湯拉麵：
兩母女合照：
赤丸真係抵食過味千好多！
飯後去睇鐵血戰士S，好失望，一ｄ都唔好睇，幾個人無拿拿係個荒島度被鐵血戰士獵殺，無拿拿又有第二款鐵血戰士被俘虜；就快逃離之際，無拿拿有個人竟然攻擊同類，又話自己跟鐵血戰士同一黨．．．最後又係用搽泥上身呢條屎橋，十幾年前阿諾舒華辛力加都用過啦！返到屋企剛做緊鐵血戰士第一集，翻睇一次阿諾舒華辛力加都仲好睇過岩岩戲院睇！
沒有留言:
張貼留言