2010-05-21 (Fri) 四人行北上

今日我地四人行北上呀，我地主要想車個梳化套，媽咪就想行下街食下野；我地有晒準備架，一共帶左三架車仔！

去到羅湖，我地同太陽哥哥分道揚鑣，佢過東門搵Raymond見面傾計，我就同媽咪細妹係羅湖商業城行街、整梳化套、整腳！

係鋪頭入面見有人做 facial，流到成面都係，好好笑！

跟住用紙巾敷住流出黎個度．．．呢ｄfacial我一定唔會做呀！

至於整腳，我都唔敢＋唔想＋冇興趣，所以只係陪媽咪琪琪！

媽咪隻腳底ｄ死皮．．．好嘔心呀！

兩個鐘後太陽哥哥返黎羅湖會合我地，就一齊搭的士去『向西村』，由琪琪帶路，我地去食豬骨煲，佢話呢間係向西路既"怡興"好味得黎又算乾淨！

琪琪整爛ｄ腐乳，方便點豬骨喎！

先黎中size豬骨煲，大約有八舊，每人兩舊very fit！

一舊豬骨都咁大舊呀，好味道，尤其個湯底，一流，仲係不停添湯，飲左好多碗！

有埋飲管方便啜骨髓～～

另外叫了炭燒蠔半打，好味喎！

仲有細size雞煲：

不過雞煲好普通，下次唔會再試，豬骨煲真係好味好多！

食好晒豬骨同雞後，我地點左ｄ餸打邊爐！

飯後又搭的士，由地膽琪琪帶路去水圍村，佢話呢頭有間超市勁大，同埋買碟間鋪頭都又大間又整齊！呢度好舒服呀，好有街坊feel，最重要又新又乾淨，周街都有鋪頭，又可行街又可食野，又有公園，見到好多人係度抖涼傾計，好warm呀！琪琪話呢帶好多香港人住，唔怪之咁乾淨咁新啦，如果買個大陸單位，呢度係不錯的選擇！

一共有三層既大型超市，最高個層係賣電子產品既！

太陽哥哥見到大哥呀，睇佢見到偶像幾開心！

琪琪爆笑短片～～呢款橡皮公仔又靚又有彈力，只係六十蚊人仔咋；我有諗過買比諾諾架，但宜家佢咁大個可能都唔玩了，定係買比中中呢？問下表姐先～～

好多得意野，又或者香港冇既產品；比如菠蘿啤，琪琪話好似 Jolly Shandy咁，價錢平到咁，超值呀！

仲有香港有既牌子但冇既味道/size：

我地唔係買好多野，主要係琪琪狂買零食野飲，媽咪就買少量日用品！

買到架車滿晒，只係二百人仔咋，抵呀！

三架車仔滿載而歸！

太陽哥哥一支箭咁標左去，佢既節拍一向快人一步！

原來趕去截的士～～我地搭去皇崗過關！

過關後搭直通巴去荃灣，再搭的士返屋企；全程坐的士，唔洗同人迫，爽！

買碟戰利品～～特登買 Toy Story重溫，等暑假去睇第３集！

Raymond太太飲了一盤花比我呀，真係多謝晒！不過今日無時間見下Raymond，有點唔夠完美，留返下次啦！