2010-05-15 (Sat) 大豐收

今日要做 laser facial，又過左銅鑼灣個邊，順道等埋太陽哥哥收工；見肚餓就去左袁彌明間鬆餅鋪頭：

得三款鬆餅，剛好$20試晒三隻味！

行左陣就舒舒服服坐隧巴過海落旺角，仲坐上層前座一路嘆鬆餅一路欣賞風景，其實港島呢邊多海多樹，景色一流，細心欣賞真係唔錯！

鬆餅有芝士味、提子味、朱古力味！

一定要熱食，正好多！個人最鍾意朱古力味！

楂左成日車的太陽哥哥倦極極速恰著左，得返我一個優哉悠哉，自得其樂！其實我有影佢訓覺架，不過實唔post得，唔係實比佢打死～～

今日係旺角真係大豐收，拎到我地傻左，勁多野勁重呢！

先去潮流特區買左幅砌圖，仲有去金都拎返本結婚相簿同晒左七百張相，再去食神傳說入貨，就係我鐘意既韓國梨汁，入左三箱咁多，反正下星期太陽哥哥有同事黎玩，買定多ｄ招呼客人都好！

其實一入到間鋪頭係埋去睇二千塊架，因為我覺得好有信心砌到，頂多花耐ｄ時間啫；但二千塊既框好舊式砌圖feel，太陽哥哥話有點 leung＋old school喎，佢話想試下牌匾style；佢有designer脾性，咁就由佢話事啦！

好味 Lotte 韓國梨汁 x 36罐，其實我鐘意白色罐包裝個款架，唔記得咩公司，但未見有特價，有機會先入貨啦！

結左婚成八個月先攞既結婚相簿＋晒左七百張相！

今日晚餐去戲棚攪掂，但買左咁多野，要返屋企放低先！今日早左黎，可以影下相啦，其實同兩星期前造型差唔多啦，不過星期六日真係勁多人呀！

淹沒於人群中的太陽哥哥！

買完返屋企食，話晒係晚餐，買左好多款食物呀！

今日買左兩盒豆腐花，一盒我地一盒媽咪；Jacky 媽咪想只收一半錢，竟然收埋十蚊係個袋口，比豆腐花我時，一野質入我手心再推我離開檔口，好奸呀！太客氣啦，尋日已免費請我食左盒，今日一定要比錢呀，所以我好快放返ｄ錢然後跑走！哈哈～～