2010-05-08 (Sat) 全座大廈停電維修一日 暨 青衣城hea足一日

尋日屋企整返好回覆返電力後，就輪到今日大廈維修暫停電力一日；朝早九點半就離開屋企，去到樓下各看更同技工人員係正門口迎接，原來我地係最後一班lift，我仲講笑問係咪有獎先？嘻嘻！

先同媽咪威哥去青衣城飲茶，由十點飲到十一二點．．．

跟住慘囉，係青衣城周圍行下，行左個幾兩個鐘，已經冇野好行，都唔知去邊．．．媽咪靈機一觸，話上機鐵站坐，good idea！即刻買本雜誌＋許留山野飲就上去啦，個度幾好，好似機場個ｄ櫈，又有冷氣，坐得舒服！好在媽咪有帶NDS i LL，出左cooking MaMa 3我都唔知，呢個game係我強項，之前 1 同 2 我都每碟餸攞一百分架！淨係打機我都玩得好開心，媽咪仲恰左陣，係度竟然消耗左三個鐘都有，真係好hea同估唔同囉！

到四點幾，我地就再行多陣，等太陽哥哥收工黎到一齊食壽司！

第一次食虎蝦壽司，好大隻，都幾抵食喎，下次一定再叫！

食完野都七點幾啦，去埋實惠買部直立式風扇，因為天氣開始熱，夏天黎啦，再唔買唔掂；想慳位既我，又想涼既範圍大ｄ，就揀左直立式風扇；但因為唔拆得黎洗，唯有揀部平平地既，只係百幾蚊咋，咁頂唔順想丟都冇咁心痛麻！

返去即刻試左部新風扇，唔錯丫！

真係估唔到，第一次係青衣城逗留成十個鐘！my god．．．真係怕怕，短期內都唔想再去喇！