太陽哥哥的同事們成個月前已book定今晚黎我地屋企玩，今日我地放假，一早計劃定要執屋啦；尤其是個書房，因為太陽哥哥已急不及待要裝好部新 iMac；正確ｄ講應該係尋晚返屋企後，太陽哥哥已開始執，仲攪到成三點先訓！
今日下午，太陽哥哥用佢部新 iMac睇獎門人，咁大個mon，挨到咁後睇都唔怕啦，我仲偷拍左佢睇到笑騎騎的一面呢！
琪琪放工後聽到話部 iMac已裝好，都過黎睇下；佢一見到就話：嘩．．．好大個mon呀！
琪琪話即刻上facebook收菜先喎，部新機ｄ顏色都好靚呀！
哎～～大家睇下我部notebook宜家變得幾細部，咁大個對比，我同太陽哥哥講笑話：一睇就知您個邊係高尚區，我個邊係平民區啦！
其實當時太陽哥哥落左樓接佢ｄ同事，我同琪琪研究左好耐都搵唔到個開關掣，仲要打比太陽哥哥問，攪左好耐先見到粒掣，洗唔洗收得咁埋呀？！琪琪之後仲發現有內置web cam，仲有個software即刻影相架，每個function試下，有個仲係自拍四次兼自動四合一變成一張相架，好勁呀！仲好好玩添～～
太陽哥哥同事們黎到啦，我地叫左四個炒粉麵＋新鮮白灼蝦兩斤；佢地仲似乎好鍾意飲酒，帶左三支酒黎呀！
白灼蝦係佢地要求想食既，所以我同太陽哥哥下午去街市買架，我仲整左兩款調味，一款係指天椒＋豉油，一款係麻油＋豉油，有辣有唔辣，任君選擇！
飯後清理走碗碟後，我地熄左廳燈但開左壁燈，較到間屋暗暗地，然後飲下酒吹下水，感覺極似clubbing咁！淨係吹水都吹左幾粒鐘，咩game咩wii都唔洗玩；大約一點，我地比左個surprise LEO，佢過幾日就正日生日呀！
Awfully Chocolate係尋晚係銅鑼灣買定既，上次試左朱古力味，今次試香蕉＋朱古力味，點知．．．原來三分一人唔食蕉呀，攪到有人食唔到添！我自己就覺得怪怪地，因為係真香蕉而唔係香蕉味蛋糕咁mix落去，都係純朱古力味蛋糕好味ｄ！
幫佢地影大合照：
大合照@誇version：
我都影返張先～～
切蛋糕：
黎我地屋企走唔甩要影即影即有，大家都好落力演出呀！
太陽哥哥成日串我咩都影，睇下～～大把人都係咁架啦！佢成班同事對住ｄ即影即有係咁影呀，擺明鐘意啦！
影到咁添呀～～呢個環節令大家都好開心！
與即影即有合照：
到我地男女主人跟每位來賓影返張先～～多謝各位今日抽空大駕光臨寒舍，招呼唔到，希望您地感到盡興啦！
沒有留言:
張貼留言