Yammy剛去了十一天北京＋東京交流團，今日第一日返工，為大家帶來了手信！最驚喜莫過於Prof. Cheung的一盒Royce，Yammy話係Prof. Cheung特登係機場拉佢買架，因為Yammy知我鍾意食邊款！我問Yammy：全盒都係我架？Yammy話：係呀，老闆話比您架！Wow～～全盒得我一人獨享喎，開心都飄飄然呢！
雙京遊後老闆直飛美國，係MSN見到佢，即刻thanks佢，佢話多謝我幫手攪個交流團呀！之前咁辛苦同北京公司傾咁多長途電話，我ｄ普通話又唔拖唔水，佢地ｄ普通話講得又快又捲，勁難聽！宜家得到老闆咁講，會好開心架！
Yammy請大家食的可愛香蕉仔：
Yammy係我direct supervisor，當然都有私人禮物比我呢個小幫手啦！都係我喜愛的心心！
諾諾做左哥哥啦！細佬小Ｂ Yat Long 係尋日出左世啦，因為表姐剛生完實好攰，我地今日先去探佢！因為未知 Yat Long 但係"日"還是"逸"，我用英文寫住佢個名先啦！
上次諾諾係港安生，今次細佬就係養和生，表姐book左窗口位，成座落地玻璃；每個病床位仲有電視及上網裝置，表姐可以長期開住facebook架！
雖然今日天氣好差，但我同媽咪一滴雨都冇淋濕到，因為三點幾去到金鐘站，有私家的士黎載我地！黎到時只表姐同表姐夫，少ｄ人仲好，可以盡情傾計！傾下生產過程啦、又了解下無痛分娩既風險啦、又上facebook睇下諾諾出世時同細佬個樣有咩分別啦、我仲同表姐表姐夫講多次我同太陽哥哥係Mariott Club 拎 hotel voucher既笑話，笑死佢地呢，我幾驚攪到表姐笑到傷口痛呀！
大約五點，叔叔嬸嬸黎左，我地唔知佢地會黎架，咁就一齊出去睇小Ｂ啦！呢度睇ＢＢ好攪笑架，姑娘會係ＢＢ房推個ＢＢ去房中房，而呢個房中房同我地用玻璃隔住，我地就係度睇小Ｂ啦，極似睇緊海洋館ｄ動物呀！
小Ｂ推出黎時瞇埋眼架．．．
ＢＢ車一停，佢竟然即刻打開眼！
個頭仲拎上黎，眼睛向上望，好似知有人黎睇佢探佢咁，勁！
跟住喊，應該肚餓了！
勁喊～～
喊到我地隔住玻璃都聽到，好大聲呀，仲見住佢個下巴仔喊到震！
跟住我地返病房吹水，無耐姑媽姑丈帶住諾諾黎到啦；黎到梗係要叫聲媽媽先啦，仲黎個BIG KISS！
一家三口影張相先，遲ｄ帶埋小Ｂ返屋企先影全家福啦！
跟住表姐夫媽咪同細妹都黎到，好熱鬧好多人呀，連諾諾都話"咁多既?!"！
等埋太陽哥哥黎到，我地再去睇小Ｂ，仲幫諾諾隔住玻璃同弟弟影相！
諾諾好開心丫，記住要乖乖錫弟弟呀！
臨走時影多幾張相先！
六點幾走後，我地帶左媽咪去附近的黃泥涌市政大廈食野！
揀左銖記：
叫左雞燉翅同菜膽翅各一[@$68]：
黃金蝦 [$108]：
鹽水唔知咩浸蜆 [$98]：
蝦乾粉絲蒸勝瓜 [$68]：
埋單四百幾，媽咪話唔算抵食，我就諗住差唔多吧！
跟住係跑馬地電車總站搭電車落中環，再搭地鐵返屋企！好掛住諾諾同小Ｂ呀，下星期日會去表姐屋企再探過佢地！Yeah～～
希望小Ｂ快ｄ快高長大、肥肥白白，快ｄ肥到好似當初諾諾豬幾個月大時個漲爆光頭 Bobby look！
