去完表姐屋企，先陪媽咪返屋企，跟住休息陣，就落街市買餸，預備今晚的打邊爐！一個人買五個人的食物，都唔少野，買埋最重的飲品時，太陽哥哥同占美剛黎到，時間岩岩好！
除了蝦，第一次試整要自己洗的貝殼類食物．．．
帶子：
紅鏡：
為食的占美經過燒味鋪，忍唔住買左燒肉食，仲邊行邊食，返到屋企好快食晒！
買左兩大袋菜、一袋雪肉檔買的丸及肥牛、三款海鮮、還有金菇粟米豆腐生根等．．．
洗到我傻的帶子＋紅鏡，由原本第一張相黑mon mon 滑 side side，洗到第二張相咁，算係咁啦掛．．．老實講，我第一次整ｄ咁花工夫既野，都係為班堅friend底的朋友先會架咋！
第一次學整芫茜皮蛋湯底，冇咁熱氣麻！
就係咁多食物咋，好大盤菜！
水滾啦，開餐啦～～
最後都係食剩半盤菜同幾隻蝦，激死！我地一邊打邊爐，一邊睇王祖藍的『矮仔多情』，我睇第二次都覺得好好笑，好睇過『人間喜劇』好多呢！
之後用電視重溫聖誕派對的所有短片，CW個日冇去，所以睇得新鮮；而有參與的我們，係短片度睇到好多我地玩緊時冇為意的爆笑位，一樣笑到肚痛，好回味好開心！
之後玩益智遊戲，細妹買的新game，要好用腦，對我．．．好難玩呀～～
跟住倒數，yeah yeah yeah！太陽哥哥同占美仲對住窗口大叫：新年快樂＋飲杯！
之後玩矮人挖金，做返個 2011 手勢先！
玩到差唔多兩點，黎返輯自拍大合照，為"送2010迎2011"的一晚劃上句號！
