今朝訓左四個鐘就要起身啦，十萬個攰．．．但一望鐘見要遲到時，成個人就嚇到彈起左，當堂醒晒，即刻衝去刷牙洗面！
今日我地呢個游水gathering，已約左一個月了，由上次黎探完Didi，就心郁郁想試下凱旋門個skyclub泳池，但您知女仔好多期要就架啦．．．所以先約左一段日子！
今日第一次由平台行過去，係藍天白雲下望過去的凱旋門，先發現它得以命名係因為佢十足凱旋門個門一樣！
凱旋門有漾日居、擎天半島、君臨天下為鄰！
陽光下的君臨天下，好似真係凱旋門個建築設計靚好多喎！
Didi住係朝日閣，唔寫低真係唔記得，攪到次次都要問，唔好意思呢！
記得Didi話要八十蚊，其實黎到都預左，因為真係想試下麻，況且，我地由中一識到宜家十幾年，原來未試過一齊去游水架，意義重大！點知check-in時，要$120蚊呀，因為六日，$80係一至五！
呢度個更衣室都好大，十足california同大陸按摩場咁，除沖涼區同換衫區外，仲有桑拿室同吹頭梳妝區，有晒hair gel同body lotion比人搽！我地見冇人，就係更衣室偷偷影低我地呢個第一次相約去游水既咁有紀念的日子，做個紀念！
lift 口一出，只跟泳池幾步之隔；泳池好大，又無咩人，正！最正當然係個view啦，真係好靚好正呀！
呢度仲有按摩池，一樣有個靚view！
跟住出露台晒太陽，但我地當然見唔曬先出黎嘆啦！嘻嘻~~ 朋友間平時通常出黎食飯多，好似今日咁冇束縛咁望住個咁靚既view談心傾心事，呢種好友聚會，好耐都未試過了！尋日只訓左四個鐘就黎游水，呢刻一ｄ倦意都冇，可能真係好relaxed！
毛巾上印有凱旋門的中英文名：
游完水後去左麥記醫肚，我亦試左新出的粟米磨菇湯，好好味呀！
Didi十月中又要跟老公過台灣九個月了，我地相聚的機會又無了；好在今次去台灣咋，Didi話會間唔中返下黎，咁就太好了！
沒有留言:
張貼留言