暑假時有位朋友去了北海道，跟我分享了旅行相片，有幾張我很喜歡的，係呢度同大家分享下；先係正方形同金字塔西瓜：
好特別的北海道西瓜，真係能吃嗎？？
細菌小子係我愛上chip & dale前的寵兒，點解我去個次去北海道時又見唔到呢個小石像既？好想同佢影呀！
我都有去過登別地獄谷，但我完全見唔到呢兩個咁大個的地藏尊，唔係咁 jumbo size既野我實會影啦，可惜可惜．．．跟團同自由行真係好大分別呀！
花田又有兩個超巨型稻草人，仲係一男一女添，好kawaii呀！要賞花的話，一定要夏天去北海道先能欣賞到，仲要唔同月份有唔同的花呢！可以的話，我都想試下夏天去北海道！
一望冇際的薰衣草田，薰衣草的鮮花香味我就麻麻地，但我就幾鐘意用薰衣草製的產品既味道，好似body lotion、hand cream、沐浴露等咁，好鐘意用完留係身上的個種香味，唔知薰衣草波子汽水又係咩味道呢？
又有巨型物體出現，今次係北海道盛產的哈蜜瓜，我都好想影返張呀！
沒有留言:
張貼留言