期待左一個月，終於等到今日去睇子華舞台劇《男磨坊ART》啦！
睇劇前當然要醫肚先，去左灣仔謝菲首食"加東叻沙"！
呢度有六款叻沙，我點左"正宗叻沙"，貪佢好多款料！
我第一次食"加東叻沙"，都幾好食呀，可能我冇辣不歡啦，嘻嘻~~ 最好味係ｄ鮮蛤，好鮮甜，正呀！其次豆卜我一向鐘意食，索晒ｄ湯，又係正呀！
埋單 $102，唔洗加一喎，都幾抵啦！不過．．．要成五十蚊一碗麵，又好似貴左ｄｄ喎！
到今晚的主菜啦，黎到仲有人入緊場，好在冇遲到咋！
好想係呢個大型紙板影張相架，但好多人經過，唔夠gutsy，唉．．．
買左上層位置，一路都好擔心太高唔夠近，但可能第一行，坐低都好正呀！景觀一流，全無阻擋，個台都望得好清楚，又唔會好似紅館咁有ｄ枝架喇叭阻住晒咁，好good！
雖然望唔清子華個樣，但我覺得好好睇呀，有好多好笑的gag位，最後子華仲即直係台上畫了幅畫呢，勁！子華好有星味，佢把聲亦好有帶動力，我真係好鐘意子華呀，嘻嘻~~
呢套劇係令人反思友誼何價？如子華在場刊的序講，如果您喜歡朋友，就會喜歡呢個劇；如果您本身愛孤獨，咁就唔會喜歡了！
劇入面有段精景對白：
「如果我是我，因為我是我；而你是你，因為你是你；
那麼我就是我，而你就是你。
但是，如果我是我，是因為你是你；而你是你，是因為我是我；
那麼我便不是我，而你便不是你。」
細心咀嚼的話，就會發覺 "自己一個" 同 "有另一個你(朋友)"，係有咩分別了！
謝幕時都好攪笑，子華申訴有位觀眾係成場唔應該笑的地方都笑了，呢part真係好攪笑！事緣係有ｄ笑位，所有人笑完之後，其中一個觀眾多次繼續嘻嘻大笑，成個場只得佢把笑聲，真係好攪笑！我相信係台上要忍住笑都好辛苦呢，哈哈！
子華最尾話加開左三場，有兩場己爆左，仲有場就想大家可以填滿ｄ空位，吩咐我地記得話比朋友聽，但又唔好太多喎，驚唔夠位，每人講．．．三個就夠啦！wakakakaka．．．．
沒有留言:
張貼留言