今晚原本碌齡，但一場誤會，BEN以為我唔得，同其他朋友取消左，到我九點幾問佢時先知；點知佢都攞左車，咪提議一齊去遊車河，我當然舉腳贊成啦，有車車楂喎！
其實．．．楂車係唔可以著拖鞋架！
等BEN攞左車黎接我時，已經十一點半啦，因為有位，我就帶埋威哥出去wet啦，記憶中真係好少帶埋佢出黎玩架！明記係銅鑼灣放凌晨十二點半，我地就專登過海接佢放工啦！一路兜，搵下有咩地方有野食先，最後黎左謝斐道！
已經過左十二點，但成條街的食店仲好多人呢，好似普通夜晚時分一樣！最好我地揀左車記，又有車仔麵，又有甜品食！
BEN影相總係好多甫士，在旁的休都忍唔住笑，掛住笑，被我影埋佢入鏡佢都懞然不知呢！
休話好攰好殘唔出鏡，其實頭先都影左佢啦，哈哈！
明記又係咁．．．唯有用麵遮住喎，但呢個單眼甫士，有ｄ乸，嘻嘻~~
威哥咁大食，當然都要叫碗麵啦，呢度ｄ野食都幾貴，就呢碗麵要$41，銅鑼灣真係銅鑼灣，咩都貴ｄ既！
跟住諗住食糖水，但怕隔離發記咁長龍，食完實會趕人走，又唔知邊度好食喎，最後就決定係度食埋，因為呢度唔滿，坐好耐都唔會趕人走！
BEN又黎擺甫士啦！
我呢碗紅毛丹大西米，唔好食呀！好後悔，早知叫小西米啦，因為ｄ大西米都唔韌，一pet野咁，最衰係一ｄ味都冇！
休又以為我只影碗糖水，入左鏡都唔知，哈哈！佢仲問點解我部相機影到咁闊既？當然啦，我ｄ野梗係筍野啦！
跟住係BEN同明記傾計連環圖，傾咩會咁既樣呢？
BEN challenge 明記咁喎~~
訓話．．．？！明記個樣好不屑喎．．．
解釋．．．？！
再解釋．．．
開始軟化咁喎．．．
明記好似講緊：您明唔明我先？
突然．．．BEN搭左上明記膊頭；明記好自然縮開，再話：唔好掂我！
當時我地笑爆全場，因為我地明白，明記係怕BEN污糟，佢個下好自然縮開同講唔好掂我，好直接，勁攪笑！
之後我地去攞車，宜家係凌晨三時半的銅鑼灣！
我地去左七仔買野飲，諗住睇下去邊再傾過！
係車記埋單時，明記話我地專登黎車佢，佢搶住比錢，我地當然唔肯啦，因為佢死唔收，我咪唯有petｄ錢係地跟住跑開囉，哈哈！最後我地叫佢請我飲七仔貴野就可以了，我同BEN就揀左starbucks玻璃樽咖啡！
我地去左青衣船塢一個對到少少海既地方影下相，影影下，明記突然model上身，狂擺好多型甫士！
由三個人一齊影，變左我地睇佢擺甫士！我只識企係度狂笑咋，因為佢真係好勁，唔洗點諗就可不停轉甫士，簡直笑爆咀呀！
其實好多甫士都影到佢型同大隻的一面架，大家睇下啦！我問過佢，只準放型個ｄ出黎，wakakakaka!!
其實有ｄ甫士係我諗架，我呢個攝影師都唔錯吧！嘻嘻~~
跟住我地泊左係長康，跟住係車入面傾計；呢張相經典囉，半夜竟然有人推住架BB車，仲係呀婆，係我驚驚地同時，後面跟住出現一個呀公同拖住隻狗，先知原來加車係比隻狗既．．．嚇死人咩．．．但半夜三更帶狗散步，都好恐怖啫！
六七點，太陽的曙光出現啦！
天光先見原來好多的士泊晒係度，交更時候，有ｄ的士叔叔仲係度抹車呢！
到七點幾我地就返屋企，我八點先訓，但只訓得幾個鐘，因為約左一點去Didi度游水呀，要快ｄ訓先得！
好似好耐冇通頂了，可能有幾年添！不過今晚真係玩得好開心，尤其是明記扮model影相個part，好開心！
沒有留言:
張貼留言