今日係迎月日，明天就係中秋了；等太陽哥哥楂車放工後，我地就入左長洲，一來為探太陽哥哥的好朋友jimmy的父母，拎盒月餅比佢地；二來我地就順道食海鮮迎月！
黃昏時候到達長洲，太陽剛開始落山，係船尾甲板上捕捉了日落美景！
先探jimmy父母，原來世伯係度開髮型屋的，型！之後唔阻住人地開飯啦，我地就周圍行下；去了上次黎過的耳環舖頭，買了一對可愛耳環，佢地對腳識郁架！
沿住海旁全都係海鮮食店，好多人呢，相信因為中秋節，好多年青人入黎camping添！自覺自己老了，以前我都好鐘意同朋友去camp玩呢，好懷念呀！最後，等左有海邊位的食店，睇下，後面真係勁多人架！
我地叫左個二人海鮮餐，印象中，應該係第一次同太陽哥哥兩個人食中菜加海鮮餐，因為中菜通常多ｄ人先食到麻，今次有二人海鮮餐，正呀！
始終係兩人餐，唔會好多餸，其實我仲想食帶子、鮑魚、扇貝、椒鹽鮮魷．．．
八月十四長洲夜空的月亮，已好光好圓了！
應下節先，飯後散步時，買了個楊桃燈籠，呢個就係我今年既燈籠喇！
回程時影低迎月日的我倆做個紀念，著燈、開燈都影張先，哈哈！
返到香港碼頭，見到有人圍住ｄ野；八掛的我，當然又走上去八下，原來有個叔叔釣左條好大既魚呀！估唔到係咁近岸的地方都會有咁大的魚釣到．．．望下佢個桶，原來釣左唔止一條添，好勁呀！
沒有留言:
張貼留言