2008-09-15 (Mon) 探望 Victor 囡囡 - 凱玲

victor 同 gigi 的囡囡 - 凱玲，係上個月十九號出左世啦！年頭佢地先兩口子跟我同太陽哥哥一齊去北海道旅行，一眨眼，屋企就多左位新成員，兩口子變成三口子，從此以後，相信屋企事無大小，都會以呢個小公主行先 lu ~~

今日我地去探呢個就快滿月既小妮子，佢地住係柴灣，好遠呢！唔少得當然有奶粉手信加利是啦！

BB囡好可愛好嗲，皮膚好白好滑，冇好似其他BB咁面部出滿油脂粒，好靚！

未夠一個月已經鐘意坐係度咁抱住呀~~

收利是啦，仲掛住打喊路，哈哈！

BB囡真係好可愛呀，成隻小貓仔咁係媽咪懷中！仲訓到笑呢！

Victor屋企本身有隻狗，叫 BB，哈哈！佢冇咩心機咁，唔知係咪屋企多左個寵兒呷醋呀，但Victor又話佢同以前一樣喎！

太陽哥哥唔夠膽抱BB囡，無鬼用！唯有同狗仔玩啦，都好既，陪下隻ＢＢ等佢冇咁悶有咁可憐麻！

估唔到Victor原來咁有爸爸相，抱住BB囡一幅慈父feel，好正呀！BB囡真係越睇越似一隻貓仔呀！好嗲好嗲．．．好可愛！

訓著左啦！楂住拳頭仔好攪笑呀！

拳頭仔重得滯，跌左落黎添~~

太陽哥哥終於等到同BB囡合照啦，開心到呢．．．哈哈！

我都唔執輸先~~

之後去左柴灣商場的新榕記食飯，起筷之前又影相啦，令我諗返我地一齊去北海道旅行時的時光呢，好懷念呀！