中秋節的早餐，蠻特別．．．早上八點幾，太陽哥哥打來，嘈醒左正在熟睡的我，原來佢剛入左機場，問我食唔食個中秋節早餐！
好在我精神尚算不俗，不過似乎太陽哥哥勁開心咁喎~~
夜晚我地冇大事做節慶祝，媽咪都係係屋企煲劇，我同太陽哥哥又冇特別地方要去，咪叫埋媽咪威哥一齊食個便飯囉；我地一心諗住去試葵芳新開的譚仔記架，點知去到．．．竟然因中秋收早，勁勁勁失望！一路上我已經諗定叫咩餸，留晒口水架麻．．．最後去左小雨天食米線囉！
今晚冇齡碌，好ｄ失望，不過太陽哥哥失望多ｄ，佢好耐好耐冇碌了，難得聽日唔洗楂車，點知都係冇得碌；同碌齡friend好少可竟然冇一齊過中秋，我都有ｄ失落呢！
飯後同太陽哥哥睇戲，係"伴娘先生"同"我的機械人女友"作出選擇，由於太陽哥哥係電台聽到有人讚機械人女友，所以就揀左呢套喇！
呢套戲都有笑有淚，後尾機械人女友為左救主角，竟然犧牲左自己的生命，扯斷左自己下半身．．．雖然有ｄ恐怖，但當中的感情好犀利！最後再解釋返多次時空穿梭原來係機械人女友有了人的真感情．．．但由於交待部份眾多，我都有少少時序攪唔清楚，不過睇完就算，明白了主要部份後，都冇再考究了，哈哈！
睇完戲後唔願走，係商場間走來走去，太陽哥哥仲笑我唔願走呢！冇錯呀，中秋節都算一年一度的節日麻，就咁回家，好似冇咩特別咁麻！而行行下，竟然撞到休到程泳，真係有緣！
沒有留言:
張貼留言