旅程話咁快就已經去到第三天啦，我已經開始有回港恐懼症，好唔想咁快結束呀！今日係太陽哥哥的正日生日，亦係攪今次旅行的主要目的，我地換上日本買的情侶tee後就出發去shopping啦！係酒店樓下見到有檔海南雞飯，老闆娘係一個識講潮州話既婆婆，太陽哥哥同佢溝通得幾開心，我地就坐低食左碟海南雞飯飯喇〔THB40〕！
跟住我地出發去siam區，siam係遊曼谷shopping既熱點；我地又搵返尋日個tu tu司機，跟尋日一樣，我地又幫佢去左兩間舖頭扮遊客，佢今次只收我地THB20咋，不過今日車程又冇翟道翟跳蚤市場咁遠就真既！
siam係遊曼谷shopping既熱點，因為呢度有幾個shopping mall，有ｄ仲係新起添；我地順住咁行，先去siam discovery，但呢度只有 Loft 吸引我地！經過一精品店，入面既products幾得意特別，我同太陽哥哥最鍾意行呢類舖頭，我仲買左幾對耳環添〔THB582〕！message in a bottle就聽過，但earrings in a bottle 就第一次見咋！
行 Loft 時又見到機場的jumbo珍寶珠，忍唔住又想影下相，但呢粒好似重好多好多咁，冇為意實會跌落地！
邊個條脷長ｄ呢？嘻嘻~~
Loft 的收穫係一大袋精品野，其實買黎暫時冇目的架，但唔知由邊次旅行開始，我有個習慣係當見到ｄ得意精品時，都會幾份幾份咁買左去，keep係屋企個gift box，當有朋友生日，又或者聖誕交換禮物時就大派用場，因為係外國貨，唔會怕過時唔過時，仲係西洋野，點都感覺grand ｄ同特別ｄ啦！
係咪好得意呢？咩黎就唔講啦，保持神秘感麻！
另外，仲買左件新衫比囝囝codebar呢！呢次係我地第一次買岩身既衫仔比佢咋，我度左好耐，又怕佢唔岩，但好想佢有件屬於自己身型既衫，唔好再著ｄ人類 BB衫麻！嘻嘻~~
之後，行左siam square，再去新落成的siam paragon！siam paragon有個全東南亞最大既水族館，但對海洋動物不甚興趣的我倆，冇去到呀；不過覺得係個 mall入面居然有個咁大既水族館，真係估唔到呢！
行完siam一排的shopping mall後，我地越過一個sky train站同行左一條好長的天橋，就過左central world，行到我隻腳好攰呀．．．
central world入面的佈置：
當見到紅紅白白的蝴蝶時，覺得好熟口面呀，再行前ｄ，發覺呢個central world係第一日我地黎睇戲個個呀！原來有兩個出入口，通往兩邊的其他方向；胡慧沖的旅遊書係按區域介紹，第一日我地行既Ratchadamri個區咪話同siam只差一個地鐵站既，原來兩個區係咁近；而今日我地行siam區，地圖睇到呢個central world，唔知同第一日個個係一樣呢．．．少少誤導，但冇所謂啦，反正太陽哥哥睇中係呢度食 lunch！
FoodLoft @ ZEN係我地lunch既地方，呢度好大同好多唔同國家既菜式任君選擇！入場每人派一張有barcode既咭，食咩就beep，走時去cashier埋單就攪掂！
檯面個兩張就係barcode咭啦，值得一提係太陽哥哥客意粉，真係超勁好味，好味到我地走返去問個廚師呢隻係咩汁，點知佢話冇得現成買，係要自己溝架！
呢度環境好靚好grand，成排落地玻璃，我地行到咁攰，梗係係度嘆返夠本啦！落左格後我就再叫甜品，太陽哥哥就嘆杯咖啡，如果每日都過住咁悠閒既生活就好了！〔全餐THB667〕
商場見到M記有隻我唔識既野，太陽哥哥話係芝士隊長黎架．．．下，咩黎架．．．都未聽過既？！太陽哥哥話仲有巨無霸警長添，有漢堡神偷，自然有警察捉佢喎．．．又係既，但呢ｄ角色我真係未見過呀！不過ｄ名改得好攪笑！
跟住去Big C supercentre，途中買左椰青飲〔THB20〕；呢次係呢個旅程第一次亦係最後一次飲椰青，因為好多時見到又太飽，想飲時又冇．．．影返張攪笑相先！
仲有伊勢丹，好似去左日本咁呢！
見Big C supercentre門口見冇咩人，趁機影返張跳起相先！跳起相係我同太陽哥哥每次去旅行都實會唔少得既環節，今次算影得好少好少了！
Big C supercentre入面有個supermarket，成間家樂福咁！
綠色fanta係買比琪琪飲既，佢好鍾意呢隻泰國先有既汽水架！連埋兩對襪，共THB46.5，我地準備去碌個泰國齡呀！
好攪笑的警崗呀！
其實太陽哥哥揀左係central world晚飯既地方，但宜家去食實在太飽，我地就決定去試下個瑩光碌齡場；雖然要一來一回，但無所謂啦，去旅行最唔想就住就住麻！碌齡要去MBK centre，要返去siam區，即係今朝 Loft 個頭，咁攰梗係唔行啦，就坐的士過去〔THB43〕！
全個場都係瑩光lane，我第一次見咋！
太陽哥哥英姿，哈哈！
送上我同太陽哥哥兩個的碌齡片段～～
我地旨在參與同感受下外地碌齡的感覺，只係玩左一 round咋！〔每局@THB80＋租鞋@THB40 = THB260〕
之後返central world，當然又係坐的士啦〔THB40〕！太陽哥哥生日，梗係佢揀地方啦，揀左旅遊書有介紹的YUM CHA！
我地叫左兩碗魚翅、一個醉雞、一窩鮑魚飯、一個炒飯〔共THB1148〕！
魚翅好好味呀，呢度抵食過昨晚街頭的魚翅店呢！鮑魚飯亦一流，食到我同太陽哥哥都 lam lam脷！女經理亦好好人，見我地拎住胡慧沖的旅遊書，提我地後面有九折coupon可以用，真係超好人呀！
太陽哥哥，Happy Birthday！
聽日就走了，要買既野都買晒，好似無咩買比媽咪，就去揀左兩個bra bra，一個我一個媽咪，母女bra bra，哈哈！可能泰幣高左，我覺得買野冇以前咁抵，所以成個trip都冇咩買野，even比自己；ｄ bra bra都係，都要百幾二百蚊個，我本身亦好少用wacoal同triumph，係咁岩呢款特價，我又見佢係簡單款先買咋〔THB520〕！
今日大部份時間都係central world渡過，飯後坐的士回酒店〔THB60〕！
返到酒店，最後一晚的指定動作，SHOW HAND！
加埋大合照，YEAH YEAH YEAH！！！開心時間過得特別快，聽日就要返香港，好唔捨得呀！
囝囝codebar今晚好開心，因為有新衫仔著，終於有件屬於自己既衫仔啦！件衫好岩身，估唔到我睇size係咁準既，冇後悔搏一搏，簡直係明智之舉呀！大家睇codebar個咀由平時向下彎唔開心樣，變到宜家個識笑樣，就知佢幾開心啦！哈哈！
沒有留言:
張貼留言