今個weekend真好，多左日公眾假期，我就同太陽哥哥去睇戲，原本係想去睇"鐵甲奇俠"架，但場次唔岩，售票員就介紹我地睇"一夜賭城戀大咗"！
沒有抱住期待咁去睇，點知．．．好好睇呀！好好笑得黎，又有意思！好笑係男女主角互相鬥爭時的攪笑場面，女既成日特登霸住個廁所，男等唔切就痾尿落廚房個瓷盤度，因為個晚係女主角負責洗碗，痾時仲特登打圈咁痾晒落瓷盤ｄ碗碟度；又拆左個廁所門，吹水話有賊入屋咩都唔偷係要偷個廁所門；佢兩個就係咁不惜一切，諗計仔同朋友度橋對付對方．．．當然，最終都係了解下愛上對方happy ending！
愛情喜劇happy ending係老土ｄ，happy ending亦成日都有，但呢次的happy ending，我睇得好感動，因為睇住佢地的由憎到愛，成個過程自己都見證住，我覺得個法官講得好岩，一段未嘗試過努力維繫的愛情，佢係唔會批准分開架！試過好努力好付出咁嘗試過，唔work真係冇辦法；但未嘗試過就放棄，的確太兒戲同太冇信心了！呢個態度除左用係愛情，好多做人的地方都用得著呢，所以我好鍾意呢套戲！
新世紀原來都有McQuater，我最鍾意的兩個角色菇時同呀輝成日都被放在一起，好開心的櫥窗佈置！
沒有留言:
張貼留言