母親節前夕，我訓醒陪媽咪食午餐，跟住係屋企睇返呢幾日的無線劇集，因為今個星期返左三日part time呀！原來愛上賊同銀針粉（即銀樓金粉）我都有睇，追呀追，好緊湊呢！
夜晚ben黎同我打牌，我好耐無打過啦；其實旨在唔係打牌，係消磨時間，我地打幾亳子一番，一圈打一粒鐘，超慢！好在除左ben，其餘三隻腳都算新手，難為左ben了！
十二點時，我地敲門比左個驚喜媽咪：
多謝ben幫我買花，玩到成四點，終於打完四圈，哈哈！我同琪琪各輸左四個幾，ben同yami嬴，攪咁耐先得幾蚊雞！
今日有人令我擔心了成晚，好在有牌打下轉移左視線，但之後都訓唔到，訓下醒下；天光後，感覺有野係鼻流出黎，以為係鼻水，一抹．．．紅色既！流左好多鼻血呀，唔係咁邪，不詳預兆呀？咁大個女都未試過咁．．．我拎住個枕頭出房搵媽咪，媽咪以為我漏 M．．．下，點會流响枕頭上面架！
好在並唔係不詳預兆，有人九點幾自動蒲頭，嚇死我啦，下次唔好再咁啦．．．可能今次係我流血幫您擋左災呢！
沒有留言:
張貼留言