出發啦，每次去到機場都會好開心，今次係同太陽哥哥第四次一齊去旅行啦，yeah！
Business Class check-in，係咪好型呢？原來係太陽哥哥的舊同事呀，幾靚女喎，佢見到太陽哥哥排隊就call佢啦；今次係歷來用最短時間完成check-in，一個位都唔洗排！
入禁區後嘆返個大家樂早餐先！
我地乘搭0855起飛的班次：
21號閘口：
飛機餐，好豐富好吸引！由於我地尋晚都好夜訓，今朝又咁早起身，我地係咁狂訓同狂食又再狂訓，哈哈！加上短途機又冇新電影睇，想投訴呀！點解長途機先有新戲（P.S. I Love You、韋氏風雲）？
話咁快就到啦，好緊張呀！
好大粒珍寶珠呀，好得意，原本好想買架，但咁大粒點食呀？同埋百幾蚊港幣，太晒錢了！
換錢先，宜家去旅行好慘呀，對泰幣4.03，好低好低呀，就快跌穿4添，對4.5都好丫，記得上次黎對5.xx 架，唉．．．
好高好大既泰國像呀！
新機場的扶手電梯好特別，斜完又平又再斜，第一次見呢！
跟住搭的士去我地間酒店〔THB320〕，的士司機搵左好耐，令我好擔心我地個間係咪up dup酒店！不過好在．．．一開門，嘩，好大間呀！冇諗過廳同睡房會分開兩part架！不過質素當然一般，都預左，唔洗錢仲想點喎；其實咁大間，已經係bonus啦！
個廳真係好大架！
註：經我快速觀察，呢間酒店只得泳池係頂樓，同二樓餐廳，係冇cake shop的．．．咁我的生日蛋糕．．．點算．．．？？？
整頓好就出去食野啦，係酒店附近食左碟豬手肉飯〔THB30〕，正！
跟住落雨，我地就入左M記坐下同睇下去邊好！
叫左客當地新出的cheesy fries〔THB45〕，好多芝士呀！
最後我地決定坐BTS，即曼谷sky train去Ratchadamri！
我地住係Saphan Taksin區，去Ratchadamri只係四個站〔@THB25〕，去出名的Siam區亦只係多一個站咋！
第一次搭泰國sky train！
到達後，經過四季酒店，但冇香港的咁grand呢！
oh my god，又見到成龍大哥．．．太陽哥哥又好興奮了，佢仲話成龍大哥果然全世界都咁知名．．．O晒咀．．．
經過四面佛，太陽哥哥都誠心拜一拜，亦添左香油呢！
之後去左四面佛對面個商場，商場裝飾好靚呀，好似一大堆蝴蝶衝上天咁！
我地去左商場入面一間叫"Provence"的餐廳食野，呢度好有田園feel，胡慧沖本旅遊書介紹既，蘇絲黃都話好鍾意呢度既麵架！
我地叫左個招牌麵〔THB120〕同炸雞翼〔THB125〕，個麵果然冇介紹錯，真係超好味，尤其是個湯，好濃又夠辣！但價錢實在唔太抵了，個麵已經係大，但份量極少；其次係我地話要水，侍應就比左一支水我地，點知支水收我地THB40，全單亦要再加一呢！
跟住去左大型的Central World同ZEN行街！
商場內的裝飾again，呢個我覺得靚ｄ！
呢度亦有間超大型電影院SF World Cinema，咩screen咩seating都有得揀，好似搭飛機一樣，有class分級！
我地心郁郁想試，但又冇中文字幕，亦只可睇西片；最後由一向最有選擇恐懼症的我決定一於要睇！我覺得一場黎到外地，加上只係港幣幾十蚊，好值得一試！我地揀左ironman〔@THB160〕！
入面真係好大好grand，連coffee shop都有，仲有十幾個院，我地仲行錯路添！戲院入面ｄ座位真係超舒服，又新淨！可惜．．．我地訓足半場，只係打交戲先有睇，哈哈！
商場見到玩具反斗城，隻公仔係用泰式welcome架，非常攪野！
原來泰國好興用泰式welcome，包括M記！
好巨型的LOVE字，我最鍾意影呢ｄ擺設，可惜路人影得唔太靚，唉．．．
發現mos burger，太陽哥哥至愛，又點會放過呢？
我地食左個seafood rice burger〔THB79〕！
跟住旅遊書行，我地去左食海南雞飯的舖頭；呢度我估應該幾出名，細細的地方我都見到有兩檯香港人呢！
我地叫左一碟海南雞飯〔THB35〕、一碗粉〔THB35〕、一碗魚肚羹〔THB40〕、一杯凍咖啡〔THB15〕！
之後坐 tu tu回酒店，講左好耐價〔THB80〕；黑仔地，途中落起超級大雨，加埋超級大風，我同太陽哥哥返到酒店時，半邊身係濕透架，濕透到連底底都濕埋．．．我成身不知幾凍，凍到打冷震！
去到酒店門口，識做的bellboy見狀即刻拎住把大傘衝過黎遮我地落車，好 impressed！呢間酒店級數雖唔可媲美五星級，但卻比客人有種賓至如歸的感覺，唔錯！
註：由於長期被太陽哥哥貼身跟住，我根本冇機會實行買蛋糕計劃；唯有趁佢沖涼時，打去operator問下邊度有生日蛋糕買？幾分鐘的雞同鴨講後，知道酒店附近的robinson商場（即今日M記個度）既底層supermarket係有cake shop架！唯有聽日起身諗計攪攪，因聽晚十二點我要預備好晒所有野，同太陽哥哥過生日呢！
沒有留言:
張貼留言