2007-08-14 (Tue) 味千晚飯 & 阿森攤位遊戲

今日放工後陪細妹去買波鞋，之後約埋太陽哥哥食晚飯，周圍都好多人，等左好耐呢．．．

食完玩商埸的阿森攤位遊戲，我地有兩個game，細妹怕羞唔玩，就幫我地拍movie！

五個圈入面我地各自都拋中一個圈，係最細份的安慰獎，阿森扇子一把；玩完睇返獎品表，原來兩個圈會有阿森杯墊，三／四個圈好似會有爆谷機／唔知咩爆谷機套裝（撈亂晒，唔記得！）最吸引係爆谷機．．．早ｄ見到就會努力ｄ啦．．．不過好多圍觀人，都幾大壓力！女仔黎講，有份獎品拎走都不錯了吧？