今日睇了"五星級大鼠"，真係冇揀錯，好好睇，畫得好靚好靚好靚．．．又有ｄ意義帶到比小朋友，今日上畫，好彩一早買定飛，好爆棚呀！
公仔畫得可愛ｄ先會吸引到人，好似賣緊廣告套"滑浪奇兵"，ｄ企鵝咁醜怪，我真係冇興趣睇！
之後等碌齡，上左休屋企玩wii，我同太陽哥哥第二次玩啦，琪琪同休就第一次玩；但唔知點解，現實碌齡碌得低分的琪琪，同第一次玩的休，竟然係勁高分(1係休，2係琪琪)，反而我玩極都係咁！我就講笑話，我係現實度已得到滿足感，玩得差個ｄ人先係遊戲機世界度拎返係現實世界得唔到既野！哈哈！
後來到太陽哥哥同休玩boxing同baseball，我就興趣不大，但睇佢地玩到咁誇張已非常富娛樂性！
學細妹話齋，佢兩個就好似ｄ low b人係度打空氣．．．哈哈！
到真碌齡喇，為左拎返係wii失去的面子，今日歇盡所能，拎到好耐都未試過的高分數！
沒有留言:
張貼留言