上次同表嫂去完R66後，佢就再約我地今日去The Park Lane既Cafe One食lunch buffet，話請返我地喎，真係客氣喇！
表嫂真係無介紹錯，我覺得呢度環境舒適，交通方便，食物以自助午黎講，真係算好多選擇，雖然冇咩生蠔海鮮，但甜品種類真係拍得住食自助晚餐！
表嫂今日仲帶埋佢個女Natalie出黎，上次見佢我諗都有兩年前，當時佢係一個勁怕羞兼唔講野既小朋友，淨係識"痴"住爹地媽咪；今日的佢已經四歲喇，同以前一樣，個樣好似佢爹地，表嫂仲講笑問我地有冇得救，哈哈！雖然眼同眉同爹地咁男仔相，但佢好精靈，同以前好唔同；一見面已唔怕三保咁由地鐵站拖住我行到去酒店，仲跟住我地出去拎野食都唔怕，佢第一樣拎既食物係雪糕，食完一啖就即刻遞第二啖比我食，幾friend呀！
今日又有笑話發生：媽咪同威哥遲黎，佢地黎到我就指住媽咪問Natalie，知唔知佢係我邊個呀？"媽咪！" 跟住我又指住威哥問Natalie，知唔知佢係我邊個呀？Natalie好細聲係我耳邊講：爹地．．．哈哈！真係笑死我呀！！
唔通真係異性相吸？Natalie都好"痴"威哥，而威哥亦難得一見咁好溫柔同細心教佢打機，唔．．．今日威哥都令我對佢改觀呢，睇黎佢都幾有潛質做舅父，不過，我懷疑佢都係對女仔好ｄ，但我想生仔喎，點算呢？哈哈！
同Natalie影相會好開心，佢自己會識扮pose同轉pose，唔洗叫佢要點要點，係調返轉我跟佢擺pose，呢ｄ動作全部都係佢自己擺架，好有鏡頭觸角，好可愛呀！
Natalie好多把戲，會捐落檯底"炆"人鞋帶，但我地又"炆"唔返佢個隻，因為佢係魔術貼，叫佢幫我地綁返，佢又好天真話佢唔識綁呀，哈哈！後來佢鐘意左另一項把戲，就係用腳"夾"住人，夾完仲會要您放開手，佢自己就張開手，同佢一齊癲，真係十足馬戲團，我玩完呢轉，個身都散晒咁滯，話說，佢都有成四十幾磅！
呢期食左好多餐buffet，都好既，係時候為我的悠長假期劃上完美的句號，真係好唔捨得呀！
沒有留言:
張貼留言