今日覆診，覆左好耐．．．先去照x-ray，跟住睇主診醫生，佢話上圖見到仲有少少腫（可以與左腳比較），骨與皮膚之間的淺色位置就係軟組織（紅圈位），不過已經好過上個月，但需要時間慢慢消腫的；下圖的折骨癒合得都唔錯（紅圈位），已埋晒口咁滯！最差的問題，係腳趾公現在彎返二十度，未做手術前係三十幾度，做完十幾度，驚會有返返轉頭跡象！加上醫生覺得我行路時有ｄ傾向左邊，重心放左咗，咁腳趾公受太多壓力，會令佢容易彎返；係佢建議睇睇矯形部醫生，用一ｄ特製工具減輕返轉頭！
矯形部醫生講解一輪後，一句講晒，要整個腳模，之後要大部份時間著住，無論係屋企都係，而個腳模要著鞋先著到，係屋企都要著鞋焗住對腳，真係．．．唉！跟住即直倒模，下星期覆矯形部醫生，到時試模同教我點用；主診的骨科醫生就十二月先再睇，但佢就寫左紙我返中大做物理治療，學下點樣行到唔好比太大壓力剛做完手術的腳趾公！
沒有留言:
張貼留言