2007-07-21 (Sat) 返公司 & Dinner at 深圳"毛家飯店"

今日行程相當緊湊，原訂今早會返公司做野，因為有ｄ急野我最好跟一跟，但礙於尋晚太夜訓，最終賴床到十二點先起身，原本計劃係我返公司，太陽哥哥係屋企畫畫，跟住到時到候就約埋一齊坐火車，因為今晚我地約左爸爸慶祝生日係深圳食飯呀！

由於我估計都係做約一個鐘，太陽哥哥知我想人陪，就放棄畫畫陪我返中大，我梗係say yes啦！我地先食個豐富車仔面，跟住就出發！

返到中大兩點做，set target三點三閃，仲book晒四點半東門整眼睫毛，點知．．．衰事連返發生，scan完十包cte，發覺好多errors，研究完一輪，發覺resolution較得岩，冇問題，但原來density唔夠高，唉．．．又要重新scan過！跟住攪掂，對好晒date，準備去excel做第三part，發覺scanner部電腦冇左公司個server drive，restart完都一樣，吹脹！唯有係scanner部電腦開太陽哥哥msn，自己部電腦開自己msn，然後將所有files send去我部電腦度，因為我個部先有公司個server！炆到爆！最終我五點三先做完呀！！遲左兩個鐘！！最內疚係難為了太陽哥哥，佢等到要聽mp3同"中"眼訓解悶，真係十萬個sorry．．．

好趕咁上到深圳，拿拿聲去東門整眼睫毛，今次係我指定的小紅做，我好滿意呀！之後準時八點去到"毛家飯店"，好彩大家都冇所謂咋，今年係爸爸五十歲，都算大壽，我地叫左好多好多野，又想試新野，難得多人可試多ｄ，好好味，食到好飽呢！咁多餸先係二百三十蚊，係咪好抵呢？

見到爸爸好開心，我地都好開心，佢仲想約多我地一至兩晚食飯，一晚香港，一晚深圳，佢正日係下星期四，睇黎．．．下星期四都會上黎食多次了，哈哈！

食完我地行左supermarker，係勁super個隻！卡樂B先$4.5包，香港要$7架，買左兩包試試，如果一樣味，下星期一於黎掃貨！

跟住坐的士去黃岡過關，坐旅遊巴返荃灣碌齡！今日係漢的正日生日，係度祝佢生日快樂！