今日同媽咪一齊嘆下午茶，去左意粉屋食，冇諗過個度都有種幾high的感覺！
隔離枱個公司三文治同小食拼盤仲令人大開眼戒，下次都要試下先！不過我地呢個牛扒三文治賣相都唔錯呀！
今日同媽咪傾左好多偈，始終都係兩母女，總有野連繫著，我諗第時嫁左唔同媽咪住，會好唔慣；一齊住時就嫌多磨擦，分開住時又會好掛住，人真係矛盾！
跟住我陪媽咪去買餸，好耐都未陪過佢去街市啦，有種覺得自己好衰的感覺．．．所以今日係廚房幫佢手，一路整食物，一路傾偈，好耐冇試過啦，通常我係屋企就會係房做自己野，今日咁，有種回到讀者時代時，日日係廚房企係媽咪旁邊睇佢整餸咁．．．
沒有留言:
張貼留言