今日跟休佢地睇Die Hard 4.0 優先場，我同太陽哥哥驚買唔切飛，下午兩點就出左去買啦；六點好爆，八點又驚食唔切飯，所以買左十點！約左佢地六點半，咁多個鐘，我地做左咩呢？我地食lunch，行街，買背包，試雙層魚柳飽，買壽司麻雀同．．．"等"囉！
今日太陽哥哥終於睇岩背包啦，咁我就買比佢，攪咗咁耐，終於買到喇，我都好開心呢！朋友們都贊成買壽司麻雀呀，每人夾左十零蚊，又唔係貴，我地就負責去買喇！琪琪一黎到，嘩嘩嘩，撞衫呀！情侶裝呀！好襯呀！一定要影低影低！
我地去咗"夏雪"食飯，飯前開埋副壽司麻雀，好真好靚呀，休攪笑咁同侍應姐姐講：唔該比ｄ豉油同wasabi丫！哈哈！！由於要消磨時間，食完飯我地就玩咗陣，由於有人太奸，影響咗個遊戲質素；加上係餐廳度，冇分錢玩，差左少少，唯有等下次認真ｄ守返遊戲規則咁玩啦！應該會好ｄ！
呢度環境幾好，坐得舒服，又唔會趕客，見我地係咁hea都唔趕我地走就知！個水晶簾都令個場幾有氣氛呀！聽講，如果係二人窗口位，望出窗會有落雪feel呢！
跟住睇戲，全程都算緊張，係中間有十幾廿分鐘有ｄ悶啦！不過誇左少少，戲名應該叫hard die好ｄ，hard to die既意思．．．因為真係打極都唔死呀！哈哈！
沒有留言:
張貼留言