今日中午係我正想從太陽哥哥屋企走時，太陽爸爸打比我，問我食飯未，蒸條魚叫我食埋午飯先走好冇？我聽到魚．．．有ｄ猶豫，係電話度：er．．．唔洗啦！佢就話好啦，好快之麻！佢咁誠意拳拳，我就話：er．．．好啦．．．跟住佢問，想食飯定意粉呀？有得揀添，勁！梗係揀炒意粉啦！我係度諗，係咪佢聽得出我麻麻魚就冇再提魚呢？係就．．．醒呀！哈哈！
呢餐飯係太陽爸爸親自為我煮咁，亦只得我跟他兩個人．．．一路食一路傾偈，佢又同我講今朝去咗邊做ｄ咩咁；唔知呢，我心底裡，諗起了我的爸爸，咁多年黎，我反而冇試過跟自己的爸爸只得我倆咁樣同枱食飯，佢亦未曾為我煮過一餐飯；心裡頓時有份心酸．．．
回家後見到媽咪，佢原來冇返工呢！休息兩小時後，我就同媽咪一齊搭巴士出佐敦，佢去打壁球，我就去幫太陽爸爸媽媽拎機票；之後約左太陽哥哥係銅鑼灣睇袋，呢個袋其實係我一位朋友有的，唔知大家有冇留意到我邊個朋友有呢？哈哈！我見過覺得好得意，但過了成個半月先問佢，佢同我講係五月頭買的，買時sales已同佢講得返佢嗰個，所以我唯有抱住失望咁接受，諗住行過嗰頭先去望望；點知個日出開去又唔記得，第二日又唔想熱屎la la特登出去，明知無出到去就晒心機；太陽哥哥就話可能其他舖有呢，就上網幫我打去ｄ分店一間一間咁問，我叫佢唔好打啦，當時諗根本係零機會，何況ｄ時裝店點會兩個月都唔轉款先？一路打一路打，有ｄ話冇code check唔到；有ｄ知邊個袋但就賣晒；有ｄ話唔知我地講邊個，叫我地不如落去睇；點知佢打到第七八間時，個sales話有，但礙於係電話溝通同形容，佢話幫我地留兩日，叫我地盡快落去睇．．．今日落到去，真係呢個！
沒有留言:
張貼留言