今日係跟太陽哥哥一齊十一個月的日子，沒有大事慶祝，因為我較期待下個月的一週年紀念日多ｄ！
我地食咗餐簡單的晚飯，周圍行吓，影左張由拍拖開始話影，但到宜家都未影到的貼紙咭，雖然影得唔靚，但總算了咗心願！影完相離開部機出去等拎相時，鬼馬的他把一張咭仔放係貼紙咭出口，我以為係咩黎添！好耐都冇收過佢既咭啦，不過這突如其來的驚喜，比起我每個月必寫一張咭給他，黎得更驚喜！設計很喜歡，尤喜歡信封上暗暗日期的背景，我看第一眼時仲遺漏了，係睇第二次時先發現的！
行街時同佢睇tee，大家都覺得黃色個件好可愛，白色個件亦唔錯，但佢實在太多太多白色tee，我就叫佢先試黃色，可惜個領口位太窄；跟住試白色，一出黎，好靚仔呢！都係白色永遠最正咁，前後都有公仔，仲係日本版levi's喎．．．咁．．．就仆鎚買白色啦！
係佢入返去換衫之時，我即刻拎錢同男sales哥哥話『我比錢先！』佢問我『仲洗唔洗睇吓先呀？第二件七折喎！』我就『er．．．（心諗：咁筍？）』佢就話『一係收咗我ｄ錢先，洗唔洗找先呀？』『好呀好呀！唔洗住啦！』一講完門就打開，話咁快就出咗黎，我同佢講『第二件有七折呀！咁好抵喎，要唔要買埋黃色？』『．．．好呀好呀！』跟住拎銀包比錢，sales哥哥話『er．．．五十九蚊丫！』佢R晒頭，咁平既．．．我係度笑，佢先知咩事，開心死佢！
影埋前幾日買比佢的背包先！
跟住佢勁想買返野比我，但無拿拿，睇唔岩．．．quota留返下次啦，哈哈！其實，佢送我的咭同入面寫既野，已係我最好的禮物！不過，睇得出佢今日好開心呀！咁我都開心啦！
而我，一如以往，亦寫了一張咭給他，不過今個月買的咭已用晒，亦睇唔岩，所以索性用memo紙寫給他，但冇信封喎，怎辦？靈機一觸，將兩張memo紙製成一個小小的信封，看上很簡單，但比起我寫字，花了我最多的時間呢！大家又覺得點呢？
不過有樣野令我自己開始担心的，就係發覺自己文采退步了；以前筆一上手，唔洗起稿，唔洗猶豫，就可以揮筆，當中極少寫錯字之餘，空間亦計得準確，能剛好係紙張快寫完前收尾，簡直係控制自如！但今次，好似好難揮筆咁，係文采退步了？還是跟太陽哥哥開始脫離熱戀期呢？哈哈！
沒有留言:
張貼留言