今日第一次去掘蜆，資訊主要係表姐＋細妹搜尋，我只係負責跟住去咋！
地點係大嶼山水口村，我地係東涌泊低車後，搭的士去水口村，點知的士站勁長龍，call JOE 哥都冇用，電召都停晒．．．最後等左成粒鐘！我地係唯有係的士站自娛，咁岩有隻小狗仔玩下令我地冇咁悶！
沿途好多牛牛！
諾諾原來第一次見＋坐藍色的士！
多得細妹搵晒資料比我地，就係呢間士多有櫈仔＋掘蜆工具出租，每套$15，都好經濟；咁我地就唔洗山長水遠帶咁多野黎，媽咪仲比左個桶仔我裝蜆添！細妹就打晒電話問詳細資料，多得佢咋！
租晒櫈仔＋掘蜆工具後，仲可免費寄存行李，不過我地只係放低BB車咋；沿住呢條『森林山路』行十分鐘就會到泥灘！
木瓜樹：
蕃鬼荔枝樹：
沿途好多牛牛，呢隻仲唔肯讓路，嚇到諾諾跌左落坑，好彩表姐夫拖實佢咋，咁都比我影到！哈哈～～
路盡頭有一排大樹，有個窿仔，原來過埋呢度就係大泥灘啦，好多人添呀！
過水澗～～兩位小朋友都好好奇！
ｄ水都幾清喎，唔怪之咁多人山長水遠入黎掘蜆啦！
我地先係未潮漲既泥灘度掘蜆，但極少收穫．．．
我掘左陣都冇掘啦，同 Jayden玩仲好玩！哈哈～～
Jayden好鍾意我"不"ｄ水沖佢對腳呀，玩完又呀呀咁叫，示意我再黎！
大人係度掘蜆，Jayden就係度掘泥上身！哈哈～～
見泥地都冇咩收穫，我地就出海邊試下掘，不過已經開始潮漲啦！
回程～～
收穫只係二三幾隻蜆仔＋貝殼，仲有兩三隻寄居蟹，我諗住拎返去比太陽哥哥睇～～
返去浸左ｄ蜆幾個鐘，就煮黎試下！
屋企冇薑，只係落左ｄ米酒咋！
實在太細隻，只得少少蜆味，不過食自己親手係大海掘既蜆，係另類滿足！嘻嘻～～
三隻蟹隻仲好活躍咁爬黎爬去！
沒有留言:
張貼留言