為左滿足媽咪想試呢款禾米豬，今日做節我地山長水遠去左屯門藍地『季季紅』，其實荃灣同沙田都有，但藍地係總店，細妹話荃灣沙田分店係openrice評麻麻，所以最後都揀左去屯門啦！
屯門藍地真係唔知邊度，聽都未聽過，細妹問過叔叔點去，我地就跟住行；先係美孚轉搭西鐵，去到尾二個站兆康，再轉輕鐵一個站，就係藍地。
十幾年都冇搭輕鐵，真係連百達通點嘟都唔知，原來一出一入都要嘟．．．= ="
超多人，好憎．．．
兩隻野咁迫仲係度玩～～
好似去左舊式新界咁，過對面就到！
放隻狗係上面影．．．my god！
到左～～有ｄ大霧山 feel！仲有兩日先到中秋，但月亮已經好圓啦！
我地早左成 45 分鐘到，佢地覺得不知幾好，比左貴賓廳我地坐，so great！
呢隻就係傳聞好出名的季季紅禾米豬，全名係『蝦禾米臘味芋粒乳香豬』：
影完相就比師傅劏啦，師傅話隻豬得十五日大咋，慘囉～～
六個人食隻豬都算大，所以另外只叫了三個餸＋一個湯：
感覺呢隻豬的肉係幾嫩，咬落比平時的乳豬煙韌彈牙！不過略肥，好難揀ｄ無肥羔既黎食，所以我食左隻豬脾，多肉ｄ麻！食左ｄ肉就比太陽哥哥 KO 埋去！哈哈～～
呢度隻豬最貴，其他餸都好大眾化價錢。
題外話：太陽哥哥話呢兩架車泊到咁貼好勁喎！
走時過對面馬路等巴士，原來有架263M到青衣城，但等左成20分鐘，超炆～～～跟住車程都幾耐，來來回回，真係搭車搭到我頭都暈！
沒有留言:
張貼留言