想睇水舞間好耐，一直覺得貴，加上過澳門動不動都要洗四位數字，覺得好唔抵；今次因為慶結婚週年，有個借口去了！哈哈～～
水舞間．．．真係好值得睇！就咁買飛可能真係唔係個個捨得或者肯花錢，其實我都係，所以一直先冇去睇；但我極力推薦比大家，或者好似我咁，買ｄ抵 package，咁就好化算啦！
今次的 package，有靚酒店住令我覺得物超所值係其一；睇埋咁精彩的水舞間，係此其二！
個舞台好勁，全水池又得，變個平地又得，仲係幾秒間既事；一半平地一半水池又得，好神奇！ｄ演員好犀利，飛到幾層樓咁高都好小兒科咁，跳入幾十尺深的水池又好似細路玩下水咁輕易咁！最最最令我拍掌既係，亡命電單車環節，超精彩，一排排，唔係一架架喎，係四面交叉十字咁互相穿插呀！真係好好好勁！睇到我係呆左咁，連影相／拍片都冇時間，因為唔想miss左！
我地的座位係第四行，開頭唔太開心，其實真係略前，不過睇完又覺得唔太差；首先係我地無濕身，前面個三行派埋垃圾袋添，我地都冇，但so far都冇見前面既人用垃圾袋，可能我地都係望正舞台，邊位個d就真係有濕啦！我地只係間中有幾點水點咁，但睇住個咁強大既dancing water show，有幾點水我又覺得會幾投入，就好似4D米奇咁，您會聞到香味，或者有水珠飛埋黎的感覺！
第二係，個舞台都幾大，如果坐到好後，反而睇唔到演員表情，話晒都算半畫劇，ｄ演員爬上觀眾席邊緣時，我同太陽哥哥大大力拍手兼舉起手豎起手指公意指good show，個演員見到好開心，仲同我地單眼添，呢種交流就要坐前ｄ先有喇！
如果可以，我覺得最好坐第六至八行的中間位置；反而坐千幾蚊的A區，我覺得冇咁深感受，不過呢ｄ都係我個人的意見啫！
沒有留言:
張貼留言