今日係中秋正日，其實兩邊屋企已做左節，不過今日係working day，放工後又冇特別節目，都係好似平時咁返媽咪度食飯啦！媽咪仲整左海鮮大餐比我地食，仲首次係屋企煮龍蝦，多到要分三碟蒸，正呀！
好開心今日可以放四點，細妹都可以早一個鐘，可惜太陽哥哥冇呀，不過就準時六點半走到囉！但因為條街都超多人，我最後都用左一個半鐘先返到屋企！>< 跟住好快咁去左媽咪度睇佢煮野食，我都係去到先知有咁多海鮮，好驚喜！
望住媽咪煮餸，都有ｄ心酸，咁辛苦煮咁多野比我地呢幾隻唔係好乖既化骨龍食．．．真係覺得自己唔太配．．．媽媽．．．好偉大！
開餐啦～～
飯後兩公婆出街拍下拖，行完旺角就去左土灣搵占美，幫佢攪電腦＋電話；攪到連十二點都過埋，走時係附近搵糖水食，誤打誤衝去左呢間好好味的甜品屋，款款都超好味，讚！
返到屋企已經兩點啦，太陽哥哥送左個中秋驚喜比我，就係佢首次自製的燈籠，好心甜呢！
熄燈賞月先～～不過只係熄左一分鐘咋，哈哈！
沒有留言:
張貼留言