表姐有個學行工具諗住借比Giana用，就約左今日同埋Phoebe，三大三小一齊食lunch；我地去好悠閒的大尾篤LUCA，表姐黎大學火車站接我，一黎到見到兩隻懶訓豬，連睡姿都咁似，唔話兩兄弟都唔信啦！哈哈～～
諾諾超愛佢套黃色餐具～～
我地三個大人都叫牛扒，今日的牛扒好正，軟硬適中！
Giana 撩我玩：
任抱唔嬲：
Giana 同諾諾玩：
呢餐 lunch 食得好開心，可以同少見的 Giana 玩咁耐，我地食左兩個幾鐘，可能因為太多小朋友啦！跟住表姐車 Phoebe返屋企，我地就去大埔海濱公園燃燒 energy！
大埔海濱公園真係好大，分左好多part，淨係 playground都有三個，因為時間關係，我地今日只係去左兩個；呢度又少人，似乎好玩過馬鞍山公園，應該會再黎 encore！
呢個繩網都好大好高，我都爬唔到，但諾諾好叻呀，爬到最高，勁呀！Jayden係咁指住高高在上的哥哥，又話想爬，我就抱佢入去坐下，都幾辛苦，表姐仲拍左我地係網中的片段！
見天開始日落，我地就走啦，沿住海濱行返出去，呢度個海景好靚呀！諾諾成頭汗，好似洗完頭咁，真係燃燒到 energy呀！
沒有留言:
張貼留言