子宮頸癌疫苗之前已經想打，但個陣只去到 25 歲，宜家加衛苗去到 45 歲，仲係四合一，醫生叫我去打，就打啦！
其實都有好多疑問架，朋友們話我地唔洗打都得，因為係 for ｄ早有性行為，或好多性伴侶的女仔．．．但我問姑娘同醫生，又唔係咁講法，總之係一種好有效既預防，宜家出埋四合一仲好添；當然，未有性行為既女仔可以得到更高既預防，但本身唔係濫交或者有好多性伴侶的話，其實預防只係比未有性行為既女仔低好少。
我亦有concern會唔會有咩risk/side effect，雖然試過外國有人打完死左，但我相信係個別例子，我只係怕有咩事影響生育，係咪應該生育完先打呢？不過姑娘話side effect 只係發燒，未試個有個案係子宮有問題要切除或影響生育。
子宮頸癌越來越後生化，亦越來越多人有咁，咩子宮頸組織病變都聽好多，雖然未去到癌，但都嚇死啦；既然疫苗係有好處，雖然貴ｄ，我最後都決定打，好攪笑仲有化妝袋＋呀Sa folder 作禮物添！
多得納沙，令我地多了日納沙假期，我諗九成港人都估唔到，由冇聲氣話會掛八號而變左突然八號！多得睡房有了新電視，還未落床的我多手開電視睇天氣，見到模糊的８字都唔多信，要即刻戴返眼鏡睇清楚確定！點知真係，即刻大叫，仲嘈聲左太陽哥哥！哈哈～～
跟住我地再訓到自然醒，爽！無野做就買飛去青衣城睇戲，因為冇交通工具，就慢慢步行去，都行左四五個字架，好在無落雨！
呢款看似早餐唔係早餐黎架，係常餐，食時已經成一點架啦～～
食完睇兩點的3D大白鯊，都嚇到驚驚地，但故事好普通，亦冇以前的大白鯊內容咁豐富．．．其實如果唔係青衣城無辛亥革命，都唔會睇呢套住，今日仲係上辛亥革命的第一日，太陽哥哥梗想捧大哥場啦，可惜可惜～～
平時可以同太陽哥哥由朝對到晚的機會，真係十隻手指數得晒(唔計旅行時!)，所以今日的突如其來假期，好開心呢！
今日係太陽媽媽舊曆生日，老人家鍾意計舊曆，所以我地都今晚慶祝！
八月同太陽哥哥試過租艇仔食晚飯後都覺得好唔錯，今次決定 encore；最重要係四個人去，今次可以叫多ｄ野食咪化算ｄ囉！嘻嘻～～不過因為放工先去，所以已經天黑兼睇唔到日落；同埋我地好好彩，雖然三號風球，但都冇落大雨／刮大風，呢餐飯大家都食得非常非常開心呀，最重要係睇得出太陽媽媽都好開心呢！
上船啦～～
今次ｄ水漲到水樓梯！
因為都有風，靠唔到人力划船，今次要出動電動艇仔係前面拉我地！
埋位時已有好幾架船食緊啦，似乎早黎好ｄ呢！嘻嘻～～
今次泊正係廚房旁邊，可以睇住師傅煮野食偷師！
今次坐３號仔：
影下相先～～
今次食多幾款海鮮，鮑魚同大聖旨好大隻好好味呀！
全家福：
大家都對大聖旨讚不絕口，最重要係，我地係香港都從未見過咁大隻既聖旨，街市都未見過．．．定係我地太大鄉里呢？
呢餐由我埋單，因為加人工後都未請過太陽爸媽食飯，所以要食好ｄ！
開始大風大浪，亦剛好食完就返上岸啦，又唔捨得添；不過今日因為天氣唔太好，泊個位又唔係向住大海，所以唔能欣賞到靚夜景；反而我地係行返去世貿時個條路慢慢欣賞，因為個時個天仲清過黎個陣呢！
臨別影多張全家福：
再帶太陽爸媽首嘗聰嫂糖水，佢地都話好味好正呀！
今日係銅鑼灣鬧市撞到太陽哥哥舊同事 Cherry，咁多人都撞到，真係勁！
