今日細妹約左佢ｄ朋友去迪迪尼，我地一早知道架啦，不過冇諗住去，因為本身我同媽咪一至五都係任去既；只不過，媽咪前兩日同威哥鬧交，宜家面阻阻同仲係唔太開心，細妹就叫我地都一齊去啦，頂多買飛咪買飛囉，行下散下心都好！其實我都係為陪媽咪架咋，所以就係半個鐘內決定去同換衫，跟住係青衣城食個靚早餐就搭地鐵入去迪迪尼啦！
軒軒好叻仔，認得我仲識得叫我家姐喎，同埋佢都唔太抗拒我攬下佢又同佢玩咁，聽聞佢對陌生人好怕羞同怕生保架！
同軒軒媽咪示範一齊影相，咁就可同軒軒又影一張！
去到欣澳轉車去迪迪尼，大鑊啦，好多人，係勁勁勁多人，我地都入唔到第一架列車．．．媽咪同我開始縮沙，覺得平時我地閒日係免費入場，為咩宜家要比錢入場兼仲要同勁多大陸人一齊迫喎．．．
最後我地決定去搵表姐做其他野或者去第二度好過啦，我估表姐都唔介意帶埋我地兩個去街，所以搭到去迪迪尼站，我地唔出閘折返．．．不過都先係列車入面影下相，當今日去左迪迪尼啦！
我仲同軒軒咀咀呢，之前其實見過好多細妹同軒軒咀咀既相架，諗住同佢好close佢先會肯咀啦，點知佢同我玩左陣就咀我啦！軒軒媽咪仲連環快拍，軒軒又好聽話咁hold住影相喎，我就自己郁埋個頭，咁就好似狂咀效果咁囉！
不過意外既野真係話唔埋，係我地回程返青衣時打比表姐，話佢知我地都係唔去啦，好多人呀(其實今朝出發時我有打比表姐話佢知我地今日去迪迪尼, 有興趣就黎搵我地)！表姐話：下，表姐夫已同諾諾換晒衫，準備出發，食完野就黎啦！同左諾諾話去迪迪尼又唔去，諾諾會唔開心架喎．．．
所以最後決定，表姐食野先，我同媽咪係青衣城睇下ｄ雪櫃，跟住表姐食完野黎接埋我地，再去迪迪尼！因為佢地係任何日子都入得既通行證，呢期做緊優惠可免費帶一位朋友入去玩呀！佢地呢個quota都冇用，就咁樣，意外地係今日，用左係我地身上！而我地由無諗住去變到突然去，又再由突然去變到縮沙唔去，再變為又去返喇！
平時同表姐＋諾諾黎迪迪尼就黎得多，同表姐夫就極少機會啦，佢假日放假先會黎架咋！
我同表姐今日好襯啫～～
影相哥哥教完我地"的"起隻腳再用手指指住，諾諾繼續係咁整！
表姐一家全家幅：
影相哥哥又教諾諾擺甫士！
諾諾又係咁繼續整．．．
影完相就開始今日既行程啦！
諾諾話要睇呢個碑文喎！
諾諾周圍走，又八掛，表姐夫又係咁拎住新相機幫諾諾影相，我地行呢條美國小鎮大街都行左好耐呀，表姐成日形容佢地兩個速度係龜速，好爆笑！
我地玩左騎馬仔，我負責幫諾諾同表姐夫影相！
係馬仔上轉緊時，我望到細妹佢地，就舉機影佢地．．．
佢地係第二個圈都發現左我．．．
繼續轉、繼續影．．．
唔知醜既佢地仲擺埋甫士！
玩完騎馬仔，我地意圖叫兩個小朋友手拖手做朋友，不過佢地唔肯直接拖住，要大人隔住先肯拖，就係咁攪到我地成棚人一齊拖住手喇！
跟住玩小小世界：
兩個小朋友坐前面，佢地終於．．．終於肯．．．終於肯拖住手啦！
諾諾又扮呀伯行路啦！
玩咖啡杯：
跟住我地去左CORNER CAFE食TEA，原來呢度ｄ野食咁靚架！
米奇 High tea set：
仲有姐姐陪諾諾玩Puzzle，又派好多stickers！
我就同軒軒玩手仔，仲教佢整吠吠狗，佢似乎都幾鐘意同我玩丫！
軒軒都肯比媽咪抱，仲一齊影相添！
一坐上欄杆軒軒自動"橋"腳，應該係比細妹訓練成咁！
表姐夫一次過抱住兩個小朋友，岩啦，係時間訓練定，諾諾細佬仲有兩個月出世啦！
諾諾冇呷醋之餘，仲同軒軒好friend呢！
仲錫軒軒添呀！
開始天黑啦，快快玩埋飛船就睇煙花！
行埋shops、睇埋煙花我地就走啦，返青衣城同表姐佢地一齊係『阿拉廚房』食晚飯！
有表姐夫係度，叫左十一樣野！
影漏左碟生煎包．．．
今日收獲有表姐晒黎送比我地既大相，係我地第一張既迪迪尼相片，因為我地一向唔會比錢買呢ｄ相架，多謝表姐！
另外今日都有點點失落，因為成個星期除左尋晚同太陽哥哥出過街外，成個禮拜都冇一齊過呀，佢今日楂完車仲要返公司開工，做到凌晨一點先走呢！佢知我話去迪迪尼，叫我玩得開心ｄ，同埋買咩都入佢數喎．．．不過我唔係貪心的人，只係睇中一個chip n dale cushion咋！
沒有留言:
張貼留言