2010-03-22 (Mon) 打敗仗．小禮物

今日返工越做越唔妥，勁攰同四肢無力，放工後即刻碌返屋企，返到去六點半，涼都沖唔切，只係換左睡衣就跌落床訓．．．原本同屋企人落新星食飯都唔去了，媽咪煲落粥我食，但我完全無力起身食；到醒時，已經係午夜十二點半．．．

太陽哥哥OT完都返左黎啦，一出廳就見到佢送我的小禮物！佢話見我之前買既紫色麥嘜好得意，買埋粉紅色麥嘜比我，再做埋個盒一對咁送比我！好耐冇收過佢既自製盒仔啦，好靚呀！ 

跟住先食媽咪煲既粥，只係食左兩啖就食唔落啦，所以打包聽日拎返公司食，其餘個ｄ叫太陽哥哥食晒去！