2010-03-13 (Sat) 開心假日赤柱遊

上個月尾，太陽哥哥已book左我今個星期六去玩，佢話唔開工陪我一日呀！不過佢今朝都要返公司ＯＴ一陣，六點就起身返工啦，其他同事返九點幾，佢因為陪我就早ｄ返早ｄ閃．．．約左佢十二點係銅鑼灣等，我地就坐小巴入赤柱啦！

經過赤柱監獄、香港懲教博物館：

黎赤柱都會忍唔住行下表姐買開間童裝衫，加上細妹都叫我幫手買兩件衫仔比佢個朋友既初生Ｂ女，呢度ｄ衫仔真係好得意呀！

呢三件我勁鐘意，但因為冇岩size而放棄！

最後幫細妹買了以下兩件new born / 3-6 months：

我同太陽哥哥一齊揀左兩件24 months比凱玲：

去完市集就行去海傍個邊，影下呢間成日係電視見到既餐廳先！

今日係假日，條酒吧街好多人呀！

太陽哥哥睇雜誌～～

美利樓對開空地宜家有個『赤柱藝墟』，真係充滿了藝術氣息！

我地去左 Saigun at Stanley 醫肚～～

環境幾靚丫，唔錯！

可能已經兩點幾冇咩人，我地仲有得坐好有皇室feel既卡位！

未叫野食已有一兜蟹片放係檯度比客人食！

別緻餐牌：

我地叫左一客蒜蓉包、咖哩牛腩、大蝦炒貴刁，點知原來本身的咖哩牛腩係會跟一客蒜蓉包既！

食物樣樣都好好味，連太陽哥哥都滿意，就真係very good架啦！

食飽係周圍行下，經過香港海事博物館～～

美利樓一帶～～

赤柱廣場一帶～～

難得同太陽哥哥假期可以咁開心去郊遊，心情勁靚，咩都想食，所以離開赤柱前又買左雪糕食！

返到銅鑼灣又去Sogo行街，成日經過呢間MOCHI Cream都嫌貴唔捨得試，今日心情靚就買左黎試！

但我同太陽哥哥都一致覺得麻麻地，我平時又唔食cream既，所以唔會再試了！反而覺得APM同朗豪坊個間糯米糍好味好多(唔記得個名)！