今日放工後同細妹＋太陽哥哥一齊睇 3D Alice in the Wonderland！
我宜家好鐘意睇 3D 電影呀，呢套幾個月前知道已經想睇啦！呢套童話故事，背景設計可以天馬行空、千奇百怪、色彩繽紛，所以視覺效果唔錯！不過故事好似唔夠豐富咁，可能細細個已聽過呢個故事係講乜，感覺冇阿凡達咁好睇同刺激，但始終係童話故事，有ｄ位可能覺得低Ｂ少少，但抱住童心去放鬆心情睇下呢套戲，我覺得都值得睇架！
不過咁探險feel＋咁嘈＋咁緊張既戲，太陽哥哥都睇到訓著左，好在有細妹陪我咋，激死．．．不過又唔怪得太陽哥哥既，因為佢今個星期差唔多晚晚都放十一點；只係我會諗，究竟我仲應唔應該再同佢去睇戲啫！
因為睇戲前買左街邊野入戲院食，出到黎唔多肚餓，就揀左食壽司，叫幾多食幾多麻！本來去試新開既羽壽司既，但好多人呀，最後都係去返我已經食到有會員咭既北海道活壽司！
低Ｂ兩姊妹：
食左唔係好多野咋！
除左至愛牛舌外，我仲發現樣好野，就係『柚子雪芭』，近兩次係都必叫飯後甜品之選！本身鐘意柚子的味道，但除左柚子蜜外，似乎無咩食物係用柚子整既，難得有呢個大發現，仲唔成為我的至愛之一咩！
沒有留言:
張貼留言